VÍDEO DE MANUEL AÑEL PRIETO SOBRE OS PLÁSTICOS NA NOSA VIDA

Manuel Añel Prieto de 3º ESO C reflexiona no seu vídeo, dun xeito moi orixinal e claro, sobre a importancia dos plásticos na nosa vida e se podemos prescindir deles.

O SONO NOCTURNO

Este traballo, que realizamos Gabriel Ambrosio Menezes, Miguel Lorenzo Peral e Aránzazu Merodio Franco de 1º BAC A, trata un tema tan importante como o sono nocturno.

En moitas ocasións non consideramos o sono como un tema importante. Pola contra, si que o é. Actualmente, enfermidades tan soadas como a obesidade ou a diabete están provocados, entre outras cousas, polos trastornos do sono.

Por iso, neste traballo decidimos analizar trastornos tales como o insomnio, a narcolepsia ou o sonambulismo. Recollemos datos sobre as súas causas e consecuencias na nosa saúde. Buscamos información coa intención de saber que é ter estes trastornos, e por último, analizamos os tratamentos que se lles está a realizar aos pacientes, incluíndo os máis novedosos.

CARTA DE DESPEDIDA DO PROGRAMA TEI

Onte despedimos o Programa TEI coa actividade: "carta de despedida". Os titores e os titorizados escribiron cartas nas que relataron as súas vivenzas como parella TEI durante este curso. Algunhas das cartas están expostas nun dos taboleiros do instituto: 

SEGUNDA VIDA PARA OS PLÁSTICOS

Unha excelente forma de reutilizar os envases de plástico é crear obxectos decorativos ou útiles no fogar. Isto fixérono algúns alumnos de 2º ESO A e B.

CONTO BILINGÜE INGLÉS-GALEGO: "THE HEDGEHOG FAMILY"-"A FAMILIA OURIZO"

Os alumnos de 2º ESO A da sección bilingüe, na clase do mércores pola tarde, coa súa profesora Isabel Cota, creraron un fermoso conto bilingüe en inglés e en galego, cuxo título é: "The Hedgehog Family"-"A Familia Ourizo".
Empregaron a ferramenta  2.0: "storybird", que permite crear contos e historias online e compartilos na rede.

A DIETA MEDITERRÁNEA É COMA TI: ÚNICA, NATURAL, AUTÉNTICA E CREATIVA

O día 24 de maio, no noso centro, desenvolveuse un obradoiro da campaña "mediterraneamos 2018", organizada polo Ministerio de Agricultura  e Pesca, Alimentación e Medio Ambiente, para dar a coñecer os compoñentes da Dieta Mediterránea e a súa relación cun bo nivel de saúde. Neste obradoiro participaron os alumnos de 3º ESO.

Dous alumnos de 3º ESO:  María Pérez Luis de 3º ESO A e Manuel Añel Prieto de 3º ESO cóntannos en que consistiu a actividade.

Primeiro tivo lugar unha charla sobre a Dieta Mediterránea, na que nos explicaron en que consiste,así como a importancia dunha boa alimentación para manternos sans. Mostráronnos a importancia de cada alimento e a proporción na que debe ser inxerido. 
Logo, por grupos, realizamos unhas tapas con diversos ingredientes: tomate, leituga, pan, aceitunas, queixo... Ensinámosllas ao resto dos compañeiros e ao fin puidemos degustar as nosas elaboracións. 
Por último, acudimos ao pavillón e bailamos; xa que, o deporte é un complemento fundamental da Dieta Mediterránea.

 María Pérez Luis

Primeiro puxéronos unha presentación, onde nos falaron da pirámide alimentaria e de dez consellos para facer dieta mediterránea. Entre isto, faláronos tamén de como os "Reis Católicos" leváronse as oliveiras de Galicia, quedando só na cidade de Vigo e de que a comida sempre estivo capitalizada.

Despois, por grupos, trouxéronos unhas follas de leituga, anacos de laranxa, cherris, froitos secos,… E con iso tiñamos que facer unha presentación dun prato e pórlle un nome.

Para finalizar leváronnos ao pavillón onde bailamos.

Manuel Añel Prieto

 Podedes ver imaxes do obradoiro premendo na seguinte LIGAZÓN

É POSIBLE UN MUNDO SEN PLÁSTICOS?

O día 5 de xuño conmemórase o Día do Medio Ambiente. Este ano o lema escollido foi: "Un mundo sen plásticos"
Ata entón, iremos publicando no blog, as distintas actividades, que se desenvolvan no centro para concienciarnos do problema.
Os alumnos de 3º ESO, na materia de Bioloxía e Xeoloxía, e os de 2º BAC, que cursan Ciencias da Terra, plantexáronse nos seus traballos se é posible un mundo sen plásticos. Neles abordarón os seguintes puntos:
- Definición de plástico.
- Propiedades.
- Clasificación.
- Procesos de obtención.
- Impactos sobre o medio e sobre a saúde.
- Alternativas ao uso dos plásticos.
- En que medida dependo do plástico?

A continuación aparece unha selección dos mellores traballos:

Lucía González Álvarez e Andrea Pérez Fernández de 2º BAC B:

Miguel Quintas Parada de 3º ESO B:

RECOLLIDA DOS DIPLOMAS DE FINALISTAS DO CONCURSO DE VIDEOPOEMAS ORGANIZADO POLA FUNDACIÓN MANUEL MARÍA

O sábado, 19 de maio, varias alumnas de 2º BAC, acudiron a Outeiro de Rei  (Lugo) a recoller os diplomas de finalistas da II edición do concurso de videopoemas sobre composicións poéticas de Rosalía e Manuel María, convocado pola Casa-Museo Manuel María. 

Os  videopoemas galardoados, que se poden ver nunha entrada anterior deste blog, son:

"Tecín soia a miña tea" de: Alba Rodríguez González, Paula Martínez Lorenzo, Helena Pousada Godás, María Elisa Álvarez Bravo, Sara Portela Ruíz e Juan Gallego Otero.

"Cando a luniña aparece" de Iria Castro Yáñez e Ana Manso Fernández.

Magníficos traballos!

ROTEIRO EN HOMENAXE A MARÍA SOLIÑO

Mañá, día  16 de maio, o alumnado de 4º ESO do Xesús Taboada Chivite e do IES de Rodeira manterá un encontro na localidade pontevedresa de Cangas do Morrazo para realizar un “Roteiro en homenaxe a María Soliño”. Esta actividade extraescolar plantéxase como complemento doutras artelladas co gaio da celebración do Día Internacional da Muller. Ten o propósito de reivindicar a esta personaxe histórica, emblemática dentro da Península do Morrazo, como símbolo da violencia institucional e social exercida contra as mulleres durante a “caza de bruxas”, iniciada no 1621. O alumnado visitará os lugares máis importantes vinculados a esa infortunada etapa da súa biografía. Neles lerán textos alleos ou de creación propia nos que explicarán as causas, desenvolvemento e consecuencias do proceso inquisitorial sufrido por Soliño. Como remate, interpretarán unha versión cantada do poema adicado á súa figura polo poeta ouresán Celso Emilio Ferreiro, pertencente ao poemario Longa noite de pedra.

Tamén participarán neste roteiro-homenaxe algunhas alumnas de Bacharelato. Virán en representación do grupo do alumnado dese nivel que, xunto con parte do de 4º ESO, promoveu en datas previas á folga do 8M diversas actividades encamiñadas a sensibilizar a comunidade educativa sobre a necesidade de impulsar o logro da igualdade de xénero. Como profesora e educadora especialmente comprometida co feminismo e coa loita polos dereitos humanos, quero agradecer públicamente o esforzo realizado por este conxunto de rapaces e rapazas. Considero imprescindible resaltar a súa madurez intelectual e ética, moi inusual nestes tempos convulsos e insolidarios que estamos a vivir. Presenciar este tipo de actuacións, inicialmente artelladas en solitario -e con numerosos atrancos- por persoas tan novas, fai ver unha raiola de esperanza nesta sociedade do século XXI, aínda dominada pola inxustiza. Estes estudantes son un vivo exemplo de que a educación pode e debe ser unha poderosa ferramenta para transformar o mundo. Por último, grazas ao profesorado dos departamentos de Normalización Lingüística, Lingua e Literatura Galega e Música do Chivite e do Rodeira polo seu apoio e implicación, nesta e noutras actividades paralelas. Sodes xenuínos ensinantes, por vocación e por corazón.

Diana Almeida Guillán (Departamento de Lingua Castelá e Literatura).

AS MULLERES NAS LETRAS GALEGAS

Os alumnos de 4º ESO, que cursan “Plástica”, guiados polo seu profesor Javier Díaz, realizaron debuxos das catro mulleres homenaxeadas na festa das Letras Galegas: Rosalía de Castro (1963), Francisca Herrero Garrido (1987), María Mariño (2007) e María Victoria Moreno (2017), empregando a técnica do puntillismo.

Con estes debuxos acompañados de frases célebres das escritoras e de fragmentos das súas obras montáronse dous cartaces que están expostos na entrada do instituto. O profesor Javier Rodríguez, de Bioloxía, deseñou e montou os cartaces. As profesoras, Isabel Cota, de Inglés, e Mª Carmen Trigo, de Lingua Galega, seleccionaron as citas das escritoras e os fragmentos das súas obras.

SOMBRA E LUZ

Esta exposición (elaborada polo IES Gonzalo Torrente Ballester de Pontevedra e gañadora do Concurso das Letras Galegas 2018), e titulada Sombra e luz, fai un percorrido polos momentos máis significativos da biografía e da obra de María Victoria Moreno, autora a quen lle renderemos homenaxe o próximo 17 de maio.

Os carteis da exposición, así como a guía didáctica, foron enviados ao noso centro pola Secretaría Xeral de Política Lingüística co fin de difundir a figura e o legado desta escritora entre a comunidade educativa.

OPS! NO TABOADA CHIVITE

O pasado venres, 4 de maio, a cuarta e quinta hora, os alumnos de 4º de ESO, tivemos o privilexio de ter un obradoiro de portugués, no cal aprendemos moitas cousas da lingua dos nosos veciños.

O obradoiro foi impartido por Graciela, unha muller que falaba portugués e galego, a cal entendimos perfectamente.

A actividade estaba organizada en tres partes: Introdución, teoría e práctica. Na introdución, contounos en que países se fala portugués, a orixe do idioma e que o galego e o portugués son linguas irmás. Na parte teórica, ensinounos as diferenzas na pronuncia e na escrita entre o portugués e a nosa lingua. Para rematar, na parte práctica, escoitamos unha canción en portugués, na que tivemos en encher ocos. Tamén "limos a galega" frases en portugués para ver as diferenzas.

Foi unha charla-obradoiro moi divertida e interesante.

Julio Alvar Rodríguez 4º ESO B

HEMOFILIA E ICTUS

Os alumnos de 3º PMAR, no Ámbito Científico, estiveron analizando varias enfermidades, que afectan ao aparato circulatorio.
A continuación aparecen dúas das presentacións realizadas. A primeira, sobre a hemofilia, fixérona: Laura Ferreira García, Andrea Vivián Nieves e Oriane Borel Camesella; mentres que a segunda, sobre o ictus, fixérona: Rafael Gouveia da Silva, Lorena Gómez Lamelas e Álex Estévez Pulido.

DOUS VIDEOPOEMAS FINALISTAS DO CONCURSO SOBRE COMPOSICIÓNS POÉTICAS DE ROSALÍA E MANUEL MARÍA

Dous videopoemas sobre composicións poéticas de Rosalía de Castro, realizados por alumn@s de 2º de bacharelato, que cursan as materias de "Imaxe e Son" e "Literatura Galega do Século XX",  están entre os finalistas da II edición do concurso de videopoemas sobre composicións poéticas de Rosalía e Manuel María, concocado pola Casa-Museo Manuel María. 

O certame está  dirixido ao alumnado galego de ensino non universitario a partir da ESO.

A entrega de premios terá lugar o día 19 de maio no auditorio da propia Casa-Museo, en Outeiro de Rei.

Os videopoemas son: 

"Tecín soia a miña tea" de: Alba Rodríguez González, Paula Martínez Lorenzo, Helena Pousada Godás, María Elisa Álvarez Bravo, Sara Portela Ruíz e Juan Gallego Otero.

"Cando a luniña aparece" de Iria Castro Yáñez e Ana Manso Fernández.

Parabéns aos rapac@s, e aos profesor@s que os animaron a participar e colaboraron con eles: Rosa Alonso e César Sánchez!

TRES CURTAS REALIZADAS POR ALUMNOS E ALUMNAS DE 2º BAC SELECCIONADAS PARA "OLLOBOI 2018"

As tres curtametraxes, realizadas por alumnos e alumnas de 2º de bacharelato, a petición da súa profesora Rosa Alonso, abordan o tema da violencia de xénero. Os títulos das mesmas son:

- Nin unha máis!. https://www.olloboi.com/projects/nin-unha-mais/
- Se é amor, non doe!.https://www.olloboi.com/projects/se-e-amor-non-doe/
- Sabela. https://www.olloboi.com/projects/sabela/

O día 11 de maio coñeceranse os gañadores. Moita sorte!