20 de xul. de 2021

ENTREVISTAS SOBRE NAMOROS E CASAMENTOS DE UXÍA E DIANA, ALUMNAS DE 1º ESO A, AOS AVÓS

ENTREVISTA DE SORAYA, ALUMNA DE 1º ESO C, A SÚA VECIÑA SOBRE OS NAMOROS E OS CASAMENTOS

 

OS AVÓS DE IAGO DE 1ºESO C FALAN DOS NAMOROS E OS CASAMENTOS NA SÚA MOCIDADE

ENTREVISTA DE LAIA ATANES OS SEUS AVÓS SOBRE NAMOROS E CASAMENTOS ANTES

 

ENTREVISTA DE LOIS REIGADA A SÚA AVOA SOBRE NAMOROS E CASAMENTOS ANTES

 

NAMOROS E CASAMENTOS NA COMARCA DE MONTERREI: PROXECTO ANTROPOLÓXICO DO ALUMNADO DE 1º ESO

 O alumnado de 1º ESO A e C da profesora Rosa Alonso realizou un proxecto antropolóxico da comarca de Monterrei sobre namoros e casamentos antes, cando os avós eran mozos. Neste blog imos publicar seis entradas cos traballos realizados. Comezamos coa entrevista realizada pola alumna Helena Prada á súa tía Pura:

8 de xul. de 2021

RETALLOS DA NOVA NARRATIVA GALEGA POR VERÓNICA HERMIDA

Verónica Hermida, profesora de Lingua e Literatura Castelá, fálanos da Nova Narrativa Galega.

RETALLOS DE CELSO EMILIO FERREIRO POR LUCÍA RÚA

A orientadora do noso centro, Lucía Rúa, fálanos de Celso Emilio Ferreiro.

RETALLOS DE CARBALLO CALERO POR MAITE GONZÁLEZ

A profesora de Inglés, Maite González, fálanos de Ricardo Carballo Calero.

RETALLOS DE ÁLVARO CUNQUEIRO POR ISABEL COTA

A profesora Isabel Cota percorre os corredores dos instituto e distintas estancias como a biblioteca ou a aula de convivencia contándonos cousas moi interesantes sobre Álvaro Cunqueiro.

RETALLOS DE EDUARDO BLANCO AMOR POR DAVID RODRÍGUEZ RIVADA

Imos subir a esta blog unha serie de vídeos realizados por alumnado de 2º BAC, que cursou Literatura Galega dos Séculos XX e XXI, nos que distintos profesores e profesoras do centro contan cousas da vida e obra dalgúns escritores galegos. 
Neste vídeo, María Pérez, Lucía Rodríguez, Iria Rey e Lorena Rodríguez escolleron ao profesor de Música, David Rodríguez Rivada, para que lles falase de Eduardo Blanco Amor.

30 de xuño de 2021

"O LOBO DA XENTE", VICENTE RISCO

Un fado endiañado e o pezoñento desexo dunha mai que creu máis no sangue alleo que no propio fixeron que a súa vida mudase para sempre, ata que EL apareceu.
Alumnado de 2º de Bacharelato do curso 20-21 quixeron que recreásemos a intrigante historia de Vicente Risco "O lobo da xente". Collede os flocos de millo, estomballádevos no sofá e desfrutade desta inquedante historia de licontropía. Oídelos?? De lonxe xa veñen os ouvidos da loba!!!!!
Comeza a acción.

28 de xuño de 2021

ATOPA SAÚDE NOS BOSQUES GALEGOS


O alumnado de 1º ESO A invítanos a  desfrutar dos bosques galegos este verán para mellorar o noso estado de saúde.

22 de xuño de 2021

O DÍA MÁIS LEDO DO ANO

 Redacción e audio: Nuria Barreira, 1º ESO


O verán aproxímase, e con el máis horas de sol, a calor ou as ganas de descansar. Creando que o 20 de xuño sexa o día máis feliz do ano, coñecido tamén como  Yellow  Day.

Considérase, polo xeral e atendendo a factores psicolóxicos, laborais ou meteorolóxicos, que é o primeiro día a partir do cal todo cambia, hai máis luz, mellores temperaturas, máis sol, posibles vacacións, etc. En definitiva, un  subidón das hormonas da felicidade, e todo iso asóciase á cor amarela.

Ademais de ser o inicio do verán, coincide coa apertura e a desescalada en moitos aspectos como a próxima desaparición das máscaras como algo obrigatorio en espazos ao aire libre.

O factor meteorolóxico que xustifica este día é que desde mediados de xuño xa se alcanzan temperaturas agradables que oscilan entre os 20 e 30 graos, con días máis longos e máis horas de luz.

Este ano tamén coincide con que é domingo, é dicir, fin de semana, perfectamente aproveitable por moitas persoas para descansar, gozar dos máis próximos e manterse afastado da tensión da semana.

E con todo isto, despídome ata o próximo ano. Que teñades un bo verán a todos e a todas!


IMOS A MELLOR OU A PEOR?

Helena Prada, alumna de 1º ESO C, reflexiona sobre se o noso mundo vai a mellor ou a peor. Foi un traballo realizado para a materia de Valores Éticos.

21 de xuño de 2021

BUSCANDO A PAZ NOS NOSOS BOSQUES


O profesorado de bioloxía de 1º ESO animou ao seu alumnado a levar a cabo un proxecto para amosar o vínculo entre natureza e benestar para a nosa saúde, especialmente a nosa saúde emocional. Cada alumno tivo que gravar un fotograma de cinco segundos de duración relacionado co bosque e acompañalo dun audio no que reflexionou sobre o que os sons da natureza e a fermosura das árbores ou dos regatos lle facían sentir. Cos fotogramas de cada aula, montouse un vídeo. Este é o vídeo realizado por alumnado de 1º ESO B.

14 de xuño de 2021

SANTIAGÜIÑO

Redacción e audio: Diana Calvo Gallego, 1º ESO. 



Mariscos hai tantos e tan variados que non sempre nos podemos quedar coas ostras e gambas, por moi boas que estean. E o Santiaguiño é un deses animaliños curiosos e moi saborosos que nos trae o mar. De aparencia prehistórica e serena, é pouco coñecido pero sen dúbida un dos máis apreciados e suculentos mariscos do litoral galego.

Este estraño crustáceo de corpo  robusto e aplanado, lémbranos á lagosta, pero moito máis pequeno, entre 7 e 10 cm., e con antenas alargadas en forma de pa. A súa cor é pardo escuro a vermello intenso nos bordos das espiñas da súa cuberta.

As mesmas espiñas dorsais que ao cocelo evidencian a orixe do seu nome, pois móstrannos claramente a Cruz de Santiago.


CADERNOS DE TEATRO 21 IES RIBEIRA DO LOURO



Saímos (A Tecedora de Soños, RadioChivite, EDLG) nas páxinas 18, 19 e 20 dos Cadernos de Teatro do IES Ribeira do Louro. Enorme publicación. Enorme traballo e paixón polo teatro. O responsable dos Cadernos, que leva moitos anos transmitindo, compartindo o seu amor polo teatro, é Delio García, do Dpto de Galego. MOITÍSIMAS GRAZAS.

Podedes velo premendo nesta LIGAZÓN


13 de xuño de 2021

OS PELIQUEIROS SON A FIGURA PRINCIPAL DO ENTOIDO DE LAZA, PERO, POR QUE NON SE VEN MOITAS PELIQUEIRAS?

Este vídeo foi realizado pola alumna de 1º BAC, Noa Sobrino Lamas, para a materia de Literatura Universal.

A continuación, aparece unha reseña, escrita por ela mesma, na que nos comenta o seu proxecto:

Hai anos, as mulleres non adoitaban reflexionar sobre a súa posición, e simplemente adoptaban os papeis que lles impuñan. Así pasaba no Entroido, onde facían e repartían a famosa bica de Laza e colocaban un dos seus panos nas costas dos peliqueiros. Por outra banda, non calquera era quen de por o traxe, pois alquilábanse por horas e era moi caro. Para poder permitirse ese luxo, os homes debían traballar moi duro e aforrar. No caso das mulleres era máis complicado: ou ben non traballaban ou cobraban menos que os homes, polo que era casi imposible que acadaran esa suma de cartos. A medida que se foron facendo máis traxes e o prezo foi baixando, incrementáronse as oportunidades. Hoxe en día a situación non é tan diferente; non se espera das mulleres que saian peliqueiras de pura raza, é común pensar que a medida que vaian crecendo, van perder a paixón polo traxe.

Este poema honra a todas esas peliqueiras que non se deixan cohibir, en especial a Benita Canteira, moi soada en Laza e admirada por todos.

Escrito, nunha lingua fonética e autóctona do Entroido de Laza.


"AS NOVAS", PROXECTO GALARDOADO CO PREMIO "ZAMBURRIDI" DO FESTIVAL AUDIOVISUAL OLLOBOI 2021

 

O proxecto "As novas", realizado por Marcos Gómez, Nerea García e Nuño Esteban, alumnado de 1º de bacharelato, no que sintetizan os principais tipos de contaminación aos que nos enfrontamos na Comarca de Verín, foi galardoado co premio "Zamburridi" na  X Edición do Festival de Cine Escolar Olloboi 2021.
Este traballo é en inglés con subtítulos en galego.
O sábado 12 de xuño tivo lugar en Boiro a gala de entrega de premios. Se queredes coñecer máis detalles sobre a cerimonia, premede nesta LIGAZÓN
Parabéns!!!

11 de xuño de 2021

INTERPRETACIÓN EN LINGUAXE DE SIGNOS DA CANCIÓN "FRONTEIRAS" DE GUADI GALEGO, GAÑADORA DO CONCURSO "CANTAMOS CON LAS MANOS" DA FAXPG

A Federación de Asociacións de Persoas Xordas de Galicia (FAXPG) promoveu o concurso "Cantamos con las Manos" no que o noso foi premiado con este vídeo, que é unha interpretación en linguaxe de signos da canción de Guadi Galego, "Fronteiras".
Parabéns!!!

9 de xuño de 2021

BERRO COLECTIVO A FAVOR DA LIBERDADE FEMININA

Vídeo contra a violencia de xénero realizado polo alumnado de 2º BAC de Literatura Galega do XX e do XXI.

PREMIADOS NO CONCURSO DE DEBUXO DA ANPA

 

O día 4 de xuño tivo lugar a entrega de premios do concuso de debuxo, organizado pola ANPA do noso centro.
Os gañadores foron:
Primeiro premio, dotado con 70€ para Samuel Añel de 2 de bacharelato B.
Segundo premio para María García de 2 de bacharelato A, que recibiu 50€.
Terceiro premio dotado con 30€ para Sara Xing Moredo de 1º de bacharelato C.
Parabéns aos tres por estas obras cheas de talento e creatividade.
Grazas a Rosa Marina López, representante da ANPA por impulsar este tipo de iniciativas e a Javier Díaz, profesor de debuxo, que se encargou de coordinar esta actividade.

UN POEMA, UNHA PALABRA

O alumnado de 2º BAC de Literatura Galega dos séculos XX e XXI fixo fotos das palabras máis fermosas dos poemas que lles foron asignados pola súa profesora. Que marabilla! Canta creatividade!

GALLETAS XIANAS

 Redacción e audio: Uxía Pérez Díaz, 1º ESO A


As galletas artesanais Xianas, que elabora e comercializa a empresa Silvans, reciben este nome por ser tradicionais da parroquia taboadesa de Xián (Lugo) onde se facían desde fai máis de cen anos. Antigamente cocíanse entre dúas pranchas de ferro,  cun mango longo que evitaba que a xente se queimara ao colocalas sobre a cociña de leña.

A receita que empregan , segue sendo a orixinal  e os ingredientes que utilizan na súa elaboración (manteiga de vaca, fariña de trigo, ovos e azucre)  son todos de calidade, como os ovos de galiñas en liberdade ou o azucre, que é integral de cana. Non engaden ningún tipo de conservante, colorante nin aditivo. Manteñen as galletas con sabor a manteiga de toda a vida e incorporaron outros novos coma o de améndoa, o de coco e o de café.

 As Xianas son unhas galletas redondas, de fino grosor, nas que a empresa quixo innovar, gravando nelas dezaoito motivos diferentes que fan referencia a nosa historia, cultura, patrimonio e natureza.


LITERATURA GALEGA "DE CINE"

O alumnado de Literatura Galega do século XX adaptou os carteis de películas, series e videoxogos aos títulos de obras en galego.

5 de xuño de 2021

SAÍDA AO RÍO TÁMEGA DO ALUMNADO DE 1º ESO

 

O luns 31 de maio, o alumnado de 1º ESO realizou unha saída ao río Támega. Esta actividade, enmarcada dentro do Proxecto Ríos, serviu para que  o alumnado coñecese e valorase a importancia do río como ecosistema e os valores naturais da súa contorna. Ademais, o alumnado obtivo unha primeira visión da utilidade da análise dos parámetros físicos, químicos e biolóxicos de cara a determinar a calidade das augas. A saída estivo dirixida por un membro da Asociación Ecoloxista ADEGA.




3 de xuño de 2021

DÍGOCHO EU SOBRE A NATUREZA

Alumnado de 1º ESO do IES Xesús Taboada Chivite de Verín realizan este Dígocho Eu sobre a natureza, dentro do programa 21 Días co Galego e + da Secretaría Xeral de Política Lingüística da Xunta de Galicia.

OS MUSICAIS EN GALEGO DO CHIVITE


Álex Vaamonde e Carla Blanca, alumnos de 3º ESO do IES Xesús Taboada Chivite de Verín realizan este vídeo sobre a adaptación do alumnado deste centro de varios musicais de éxito mundial, dentro do programa 21 Días co Galego e + da Secretaría Xeral de Política Lingüística da Xunta de Galicia.

2 de xuño de 2021

A MIÑA ALIMENTACIÓN E A DOS MEUS AVÓS

Inés André e Iria García, alumnas do IES Xesús Taboada Chivite de Verín realizan este audio sobre a evolución da alimentación ao longo das xeracións, dentro do programa 21 Días co Galego e + da Secretaría Xeral de Política Lingüística da Xunta de Galicia.

DÍGOCHO EU SOBRE O CORPO HUMANO

Aumnado de 1º BAC do IES Xesús Taboada Chivite de Verín realiza este Dígocho Eu sobre o corpo humano, dentro do programa 21 Días co Galego e + da Secretaría Xeral de Política Lingüística da Xunta de Galicia.

1 de xuño de 2021

ENTREVISTA DE ANA GAGO A SÚA AVOA SOBRE A EVOLUCIÓN DO TELÉFONO

Ana Gago,unha alumna do IES Xesús Taboada Chivite de Verín entrevista a súa avoa para preguntarlle pola evolución do teléfono, dentro do programa 21 Días co Galego e + da Secretaría Xeral de Política Lingüística da Xunta de Galicia.

DÍGOCHO EU "A COCIÑA DE ANA": UN BISCOITO DE CENORIAS

Alumnado de 1º ESO do IES Xesús Taboada Chivite de Verín realiza este Dígocho Eu para aprendernos a facer un biscoito de cenorias, dentro do programa 21 Días co Galego e + da Secretaría Xeral de Política Lingüística da Xunta de Galicia.

31 de maio de 2021

A XUBILACIÓN ACTIVA DO MEU AVÓ

Adara Vivel, alumna do IES Xesús Taboada Chivite de Verín realiza este audio sobre a vida laboral dos seus avós, dentro do programa 21 Días co Galego e + da Secretaría Xeral de Política Lingüística da Xunta de Galicia.

AS AVOAS ACTIVAS DO RURAL

Marta Rato e Aroa Teixeira, alumnas de 4º ESO do IES Xesús Taboada Chivite, contan neste vídeo o envellecemento activo das súas avoas no rural, dentro do programa 21 Días co Galego e + da Secretaría Xeral de Política Lingüística da Xunta de Galicia.

CIENCIA NA CASA: DISECCIÓN DO APARATO RESPIRATORIO DUN PORCO


Neste vídeo, Inés André e Iria García, alumnas de Anatomía Aplicada de 1º BAC diseccionan o aparato respiratorio dun porco, que é bastante semellante ao noso. Observaron a anatomía externa e interna das vías aéreas e dos pulmóns.
Bo traballo rapazas!

30 de maio de 2021

APROVEITAMENTO FORESTAL: PRESENTE E PASADO.

O alumnado de 4º ESO, que cursa Bioloxía e Xeoloxía, gravou audios en grupos de tres, dentro do programa 21 Días co Galego e + da Secretaría Xeral de Política Lingüística da Xunta de Galicia, comparando os recursos que obtiñan do monte os nosos avós, cos que aproveitamos nós. A agricultura e a gandaría tradicionais estaban interconectadas e en equilibrio co monte.O monte reportaba máis beneficios e a súa explotación era máis sostible.


INCENDIOS NA COMARCA: CAUSAS, CONSECUENCIAS E SOLUCIÓNS

O alumnos e as alumnas de 4º ESO fixeron vídeos nos que analizaron as causas, as consecuencias e as posibles solucións fronte aos incendios na nosa contorna,dentro do programa 21 Días co Galego e + da Secretaría Xeral de Política Lingüística. Escribiron os guións, escolleron os escenarios, realizaron as gravacións e editaron os vídeos en grupos de tres ou catro persoas.

VOLCÁNS DE AUGA: OS GÉYSERES

 Redacción e audio: Nuria Barreira, 1º ESO A.


Un  géyser é un tipo especial de fonte termal que emite periodicamente unha columna de auga quente e vapor ao aire.

O famoso  Géyser de Islandia é o que deu o nome común de  géyser a estas fontes termais. Outro famoso  géyser, o  Strokkur, pódese ver expulsando chorros de auga quente cada 14 minutos e dunha gran altura.

A formación de  géyseres require unha hidroxeoloxía favorable que existe só nalgunhas partes do planeta, polo que son un fenómeno bastante estraño. Existen preto de 1000 ao redor do planeta, dos cales case a metade están situados no parque nacional de  Yellowstone, Estados Unidos.

A actividade dos  géyseres causada polo contacto entre a auga superficial e rocas quentadas polo magma situado  subterraneamente. A auga quentada  xeotermicamente regresa á superficie por  convección a través de rocas  fracturadas.

Para poder ver un  géyser, debemos estar nunha zona  volcánica, cuns depósitos de minerais de varios materiais máis se crean sistemas de canos que dan lugar a estas fontes naturais.


CONSERVAS TERRA DE BARONCELI

 Redacción e audio: Uxía Pérez Díaz, 1º ESO A

Terra de Baronceli é un complexo gastronómico natural , tenda e fábrica de conservas situado en Vilaza, no Val de Monterrei.

Cultivan practicamente todo o que producen e cando precisan máis produtos ,mercan froitos seleccionados a pequenos agricultores , polo que a súa produción garante a máis alta calidade nas materias primas, libre de sementes transxénicas, pesticidas e metáis pesados . Para a elaboración das súas conservas, escollen e lavan a man froito a froito.

A empresa comercializa diferentes tipos de marmeladas, patés, fritadas e salsas, elaborados con produtos procedentes de agricultura orgánica.

No envasado non se emprega ningún tipo de aditivo químico nin conservantes artificais. Unhas gotiñas de limón, recén espremido, e unha coidada esterilización garanten todo o sabor e a completa seguridade do produto que chega as súas mans.

A empresa potencia a economía local, respectando o medio ambiente e as tradicións dos núcleos rurais de Galicia, resucitando formas ancestrais da nosa cultura culinaria.


28 de maio de 2021

ALUMNADO DE 2º BAC PUXO EN VALOR O MONTE COA TÉCNICA "ELEVATOR PICH"

Os alumnos e as alumnas de 2º BAC, que cursan "Imaxe e Son", realizaron catro vídeos empregando a técnica publicitaria "Elevator Pitch" para por en valor o monte galego (o seu patrimonio, a súa riqueza, a súa conservación, a flora, a fauna, os seus produtos, a vida no rural, as nosas aldeas, etc.),

Podedes velos premendo nas seguintes ligazóns:


DESPEDIDA RADIO CHIVITE 2020-2021


Despedida ao alumnado colaborador de Radio Chivite, a radio do IES Taboada Chivite de Verín, neste curso 2020-2021.
Gran traballo realizado polo profesorado e o alumnado participante! Parabéns! Ata o próximo curso!

26 de maio de 2021

DERRADEIRO PROGRAMA DE RADIO CHIVITE DO CURSO 2020/2021

Undécimo programa da radio do centro IES Xesús Taboada Chivite de Verín, correspondente ao mes de maio, derradeiro deste curso, que conta coas seguintes seccións:

* Novas chivitianas: con Paula Gago e David Salgado (4º ESO)

- Inclúe "Novas científicas" e "Co selo galego", con Uxía Pérez e Diana Calvo (1º ESO)

- O alumnado de 3º de ESO cantando "Os nosos maios".

- Podcast sobre Xela Arias gravados por alumnado de 1º e 2º ciclo da ESO e Bacharelato.

- O "Grandola vila morena", interpretado polo alumnado de portugués da profesora Inma Campos.

- A canción "Mil estrelas" do musical La la land, interpretado polo coro de profes do Chivite.


* As nosas dúbidas: Xabi Alonso (1º BAC) entrevista ao director do noso centro César Sánchez.


* Adiviña quen é: con Carla Rosas e Sara Xing Moredo (1º BAC)


* Entrevistas:

César Sánchez entrevista a Manuel Añel, Fátima El Mouahid, Oumaima Fathallaah e Miguel Quintas, alumnado de 2º BAC sobre as súas sensacións ao rematar esta etapa no centro e o que este representou para eles.

David Salgado entrevista a Adrián González Salgueiro, antigo alumno, estudante do derradeiro curso do Grao en Historia da Arte, e fotógrafo.

Paula Gago entrevista a Guadi Galego, música multipremiada de grande traxectoria e relevancia na música galega contemporánea.


*Bibliochivite: Escoitaremos aos gañadores do concurso de microrelatos da biblioteca e o Podcast que o alumnado de 1º e 2º de ESO realizou como homenaxe a Xela Arias co gallo do Día das Letras Galegas.

25 de maio de 2021

"OS CONTAMINANTES QUE NOS RODEAN", PROXECTO FINALISTA DE OLLOBOI 2021.

 

O proxecto realizado por Marcos Gómez, Nerea García e Nuño Esteban, alumnado de 1º de bacharelato, no que sintetizan os principais tipos de contaminación aos que nos enfrontamos na Comarca de Verín, é finalista da X Edición do Festival de Cine Escolar Olloboi 2021.
Este traballo esta realizado en inglés con subtítulos en galego.
Parabéns rapaces!!!

24 de maio de 2021

A TORTA DE SANTIAGO

Redacción e audio: Nuria Barreira, 1ºESO


A torta de Santiago é unha torta tradicional da cociña galega con indicación xeográfica protexida.

Actualmente pódense comprar en case todas as pastelerías das zonas polas que pasa o Camiño de Santiago e en toda a Comunidade Autónoma de Galicia, especialmente durante o mes de xullo e a primeira semana de agosto.

Os seus principais ingredientes son améndoas, azucre, ovos e laranxa.

Non se sabe nada do consumo de améndoa en Galicia durante a Idade Media, pero sábese que a carestía deste alimento convertíao nun luxo reservado a poucos. A primeira noticia que se ten do uso deste "biscoito de améndoa" procede de 1577 durante unha visita de Pedro de Porto á Universidade de Santiago. As primeiras receitas fiables proceden de apuntamentos de Luís Bartolomeu que datan de 1838 baixo o epígrafe de "Torta de Améndoa".

A orixe da Cruz de Santiago representada na súa superficie data de 1924. Nesta época, comezase a adornar as tortas de améndoa coa que sería a súa silueta característica, alcanzando gran éxito en Galicia e no resto de España.

23 de maio de 2021

CASTAÑAS NAICIÑA

 Redacción e audio: Uxía Pérez, 1º ESO.

A empresa galega “Naiciña”, ubicada na localidade lucense de Chantada,  xurdiu coma un pequeno negocio familiar adicado á comercialización de produtos agrícolas e que  desde o ano 1985 se especializou na manipulación e distribución da castaña.

Realizan os seus produtos con castañas que proveñen directamente dos soutos galegos e son coidadosamente seleccionadas para garantir a súa calidade e as súas características naturais. Empregan maquinaria de última tecnoloxía pero sempre respectando as fórmulas, métodos e calidade tradicionais, sen introducir colorantes, nin conservantes artificiais nos seus produtos. A empresa comercializa desde castañas secas  ata purés, cremas ou fariña deste produto.Nestes anos, “Castañas Naiciña, prosperou ata situarse nos primeiros postos do mercado internacional do sector e na actualidade está presente en toda Europa, EE.UU, Latinoamérica , Xapón e Oriente Medio.


COÑECES A TORTILLA DE BOGÓNS, PIÓNS E PIARDAS?

 Redacción e audio: Diana Calvo, 1º ESO.


Este é un prato tradicional galego, propio da nosa cultura mariñeira e que está case desaparecido. O bogón é un peixe miúdo que aparece entre a xouba e recibe tamén o nome de piarda, corcón ou pión.
Segundo di a xente maior, era moi tradicional no sur da Costa da Morte e mesmo na Ría de Vigo e na Ría de Pontevedra.

17 de maio de 2021

ILUSTRANDO OS POEMAS DE XELA ARIAS

Alumnado de 3º ESO, 4º ESO e 1º BAC do IES Taboada Chivite fan unha homenaxe no Día das Letras Galegas convertendo algúns dos seus versos en imaxes. Parabéns polo voso traballo, pola vosa grande creatividade!!!!
 

COPLAS EN DEFENSA DA LIMPEZA E COIDADO DO MONTE


O alumnado de 1º ESO B promove coas súas coplas o coidado e a limpeza do monte Manteñámolo libre de lixo!!!

Somos os nenos do Chivite

e vimos cantar os Maios

xa é o tempo, son os Maios

e deste xeito comezamos

 

Nos montes de Verín

hai moito lixo no chan

e se os montes queremos coidar

o lixo non debemos tirar.

 

Se no monte ves un toxo

estás no alto do Foxo

e se tiras unha máscara ao chan

has de recollela por porcallán.

 

O noso monte aposto

temos que coidar

e para velo fermosos sempre

non o debemos estragar

 

Nos arredores de Verín

un monte tes que ver sen fin

o monte tes que coidar

sen máscaras debe quedar

 

Vexo as árbores moverse

nos montes da Galiza

vexo as flores belas

que son as súas acuarelas

 

Desexamos no Chivite

coidar o noso bosque

rimamos polo monte

que é a nosa fronte 

O POLBO Á GALEGA

 Redacción e audio: Nuria Barreira, 1º ESO.


Cando falamos de Polbo á Galega estamos a falar de Galicia, a nosa comunidade autónoma.

O polbo a  feira é chamado desta forma pola súa orixe nas feiras dos maragatos que volvían das terras galegas con polbo seco. Este era un dos produtos mariños que viaxaban cara á meseta, que se lle votaba aceite de oliva e  sazonaba co seu pemento para conservar o alimento durante a viaxe.

Pouco tardou en chegar ás feiras de Galicia este modo de preparar o polbo. Con máis de cento cincuenta anos de tradición culinaria ás súas costas. Para acompañalo engadíase unha pataca fervida. É nese último detalle onde reside a diferenza entre o polbo á galega e o polbo a  feira.

Así que, cando degustas un bo prato de Polbo á galega estás a saborear anos de tradición culinaria que se transmite de xeración en xeración.


PURES E CREMAS GALIFRESH

 Redacción e audio: Uxía Pérez Díaz, 1º ESO A.


Galifresh é unha empresa viguesa especializada en purés de froitas e cremas de verduras que acadou o selo de Galicia Calidade,  co cal certifica tanto a orixe galega dos seus produtos coma da excelente materia prima coa que están elaborados.

A empresa ten como obxectivo satisfacer as necesidades dos distintos mercados dunha maneira san e equilibrada, facendo uso de ingredientes 100% naturais procedentes das mellores hortas, sen aditivos, conservantes nin colorantes e sen azucres engadidos, garantindo sempre a máxima calidade e seguridade alimentaria.

Os purés están elaborados con froita de alta calidade, seleccionada no seu punto óptimo de madurez e que é transformada mediante un proceso innovador que mantén intacto todo o seu sabor e textura. As cremas e sopas de verduras son feitas, así mesmo, cos mellores vexetais e cun toque de aceite extra virxe, posuindo ademais un baixo contido en sal e graxas saturadas.

A empresa ten outro valor engadido, xa que está comprometida socialmente e  fomenta a integración e inserción laboral de determinados colectivos  contando con máis do 80% do seu persoal con capacidades especiais, altamente formado.


13 de maio de 2021

"PODCAST" DE HOMENAXE A XELA ARIAS

Neste vídeo aparecen tres podcast, cos que o equipo da biblioteca, Radio Chivite e o Departamento de Música, quixeron homenaxear a Xela Arias. 
O primeiro foi realizado por alumnado do 1ºciclo da ESO: "Un encontro no pasado". No segundo, participou alumnado do 2ºciclo da ESO: "Salmo RAPonsorial". O terceiro, feito por alumnado de bacharelato: "Xela tradutora. As Bruxas de Roald Dahl". 
Parabéns polo traballo realizado!
Este vídeo será proxectado mañá na pantalla da entrada do instituto

9 de maio de 2021

COMO CAMBIAN DE COR OS CAMALEÓNS?

 Redacción e audio: Diana Calvo Gallego, 1º ESO.


Os camaleóns cambian de cor grazas a unha batería de pigmentos que conteñen nunhas células especiais chamadas cromatóforos. Están situadas na parte externa da pel dos camaleóns distribuídas en tres capas.

A parte superior contén os pigmentos vermellos e amarelos. A capa intermedia aloxa os pigmentos de cor branca e azul. E a capa máis profunda contén os pigmentos escuros.

Os cromatóforos distribúen os pigmentos no seu interior, de tal maneira que se vexan máis ou menos segundo o estado de ánimo do animal.


IOGURES KALEKOI

 Redacción e audio: Uxía Pérez Díaz, 1º ESO A


Kalekoi é un obradoiro de iogur artesanal ubicado en Bergazos, no concello de Lalín (Pontevedra) e que só emprega leite recollida diariamente, na súa propia gandaría familiar. O seu nome ven dun topónimo de Galicia co que se coñecía ao Noroeste da Península Ibérica na época dos celtas. e levan con orgullo o compromiso coa terra e o valor do noso.

 Grazas ao benestar e a alimentación do seu gando conséguese un leite con proteína A2, que resulta mellor para a dixestión e máis beneficioso para a saúde e co que ademáis, se elaboran uns produtos de sabor auténtico e natural.

Os iogures Kalekoi elabóranse a partir dunha receita herdada dos seus avós , e que levan só o que debería levar un iogur natural: leite sen desnatar pasteurizado e fermentos lácticos. Sen engadidos de nata nen leite en po e despois dunha coidada fermentación , conseguen un iogur cremoso no padal e de sabor moi suave.

Para adaptarse á demanda, ademáis da gama clásica de iogures, elaboran outros máis innovadores , cos que pretenden sorprender aos consumidores e que van dende os iogures con froita de tempada, procedente de produtores galegos ata outros con sabores  tan singulares coma o de xelea de gin tónic, o de champaña ou o de cocido de Lalín.


7 de maio de 2021

COPLAS DOS MAIOS 2021 CANTADAS POLO ALUMNADO DE 3º ESO

O alumnado de 3º ESO compuxo e cantou as "Coplas dos Maios", que aparecen neste vídeo. Foi unha actividade colaborativa entre o Departamento de Música e o Departamento de Lingua Galega.
Con estas coplas, como xa comentamos nunha entrada anterior deste blog, colaboramos co Concello de Verín, xunto a outros nove colectivos, en recadar fondos para o programa de atención as necesidades básicas de persoas da comarca de Verín do C.D.R. Portas Abertas.

3 de maio de 2021

AS PEDRAS NAVEGANTES

 Redacción e audio: Nuria Barreira, 1º ESO A.


As pedras navegantes, tamén coñecidas como pedras móbiles, son un fenómeno xeolóxico polo cal as rochas se moven, sen intervención humana ou animal, e deixan longas trazas.

A razón máis lóxica que encontran os expertos é que son movidas polo campo magnético que posúe a Terra, pero non está cen por cen confirmado.

Observáronse e estudáronse este tipo de pegadas en varios sitios, desde o suroeste norteamericano, onde son máis numerosas, ata o Sahara.

As pedras móvense só cada dous ou tres anos e a maioría das súas pegadas consérvanse durante tres ou catro anos.

As pedras que empezan o seu traxecto xunto a outras, poden viaxar en paralelo ata que algunhas delas desvíase segundo calquera dirección ou retrocedendo.

1 de maio de 2021

ENTREVISTA DE ANA GAGO A SÚA AVOA SOBRE A EVOLUCIÓN DO TELÉFONO

Ana Gago, unha alumna de 1º ESO do IES Xesús Taboada Chivite de Verín entrevista a súa avoa para preguntarlle pola evolución do teléfono, dentro do programa 21 Días co Galego e + da Secretaría Xeral de Política Lingüística da Xunta de Galicia.

ACEITE EMBRUXO

 Redacción e audio: Uxía Díaz Pérez


Embruxo é unha empresa galega, que nace en Pontevedra, co obxectivo de recuperar a tradición oliveira de Galicia, crear valor e riqueza nos nosos campos e atopar alternativas ao mundo rural.

Con este fin, elaboran un aceite fresco e natural, de extracción en frío e sen filtrar, que a diferenza doutros aceites do mercado non se mestura con auga, polo que permanecen inalterables tódalas súas cualidades nutricionais, ao mesmo tempo que conserva  todo o sabor e aroma.

En Aceites Embruxo implícanse en todo o proceso de produción, razón pola que teñen en marcha, diferentes proxectos de plantación de oliveiras en distintas zonas de Galicia, tentando diversificar o aproveitamento forestal e xerar emprego e actividade económica no sector primario.

O seu sabor lémbranos a herba, a froita fresca cun toque de améndoa que o fai único e que non ten acidez nin amargura.

O aceite Embruxo é o zume máis auténtico que se pode atopar e co maior número de polifenoles e vitamina E. Un produto que seduce, inspira e enmeiga a todos aqueles que o proban.


30 de abr. de 2021

MAIOS SOLIDARIOS 2021

 

O alumnado de 3º ESO do noso centro participou na elaboración das coplas solidarias do Concello de Verín, xunto a outros nove colectivos.
O obxectivo deste ano é recadar fondos para o programa de atención as necesidades básicas de persoas da comarca de Verín do C.D.R. Portas Abertas. Para este fin concreto , o Concello de Verín doará a cantidade orzamentada para a Festa dos Maios 2021. Ademais, as persoas que lean as coplas, poden colaborar facendo doazóns ao número de conta, que aparece na portada.
Podedes acceder as mesmas, premendo nesta LIGAZÓN

AS AVOAS ACTIVAS DO RURAL

Marta Rato e Aroa Teixeira, alumnas de 4º ESO do IES Xesús Taboada Chivite, contan neste vídeo, o activas que son as súas avoas no rural, dentro do programa 21 Días co Galego e + da Secretaría Xeral de Política Lingüística da Xunta de Galicia.

29 de abr. de 2021

"O XOGO DA GUERRA" DE CARLOS CASARES, REPRESENTADO POLO ALUMNADO DE 3ºPMAR

Os alumnos de 3° de PMAR fixeron con Lucía Díaz Nicolino, antiga alumna do centro e profesora en prácticas do mestrado de Secundaria, a representación do relato: O Xogo da Guerra de Carlos Casares.
Agardamos que vos guste!

28 de abr. de 2021

ADRIÁN GONZÁLEZ, UN EXALUMNO FOTÓGRAFO

Adrián González está a piques de rematar o seu grao en Historia da Arte na Universidade de Santiago de Compostela e compaxina os seus estudos co seu traballo artístico no eido da fotografía. Ten xa participado en numerosas exposicións e actualmente podemos ver obra súa na galería de arte Solaina, en Lugo. Será entrevistado no derradeiro programa de RadioChivite deste curso.

LUCÍA DÍAZ NICOLINO, UNHA EXALUMNA QUE DEIXOU PEGADA NO CENTRO


Tivemos a sorte de entrevistar en RadioChivite, no programa número 10, a Lucía Díaz Nicolino, unha alumna que deixou pegada no Chivite e que está de novo connosco, facendo prácticas para, oxalá nun futuro non moi afastado, converterse en profesora de Lingua e Literatura Galega no noso centro, nunha profesora que seguro que vai namorar o seu alumnado, pola súa valía e humanidade.
Falamos con Lucía, entre outros temas, do seu artigo "A fronteira galego portuguesa. Actitudes e percepcións lingüísticas", que foi recentemente publicado nos CADERNOS DE LINGUA da Real Academia Galega, no seu número 38, mais tamén do seu paso como alumna, e agora como profesora en prácticas, polo noso centro.

27 de abr. de 2021

RADIO CHIVITE PROGRAMA 10


Décimo programa da radio do centro IES Xesús Taboada Chivite de Verín, correspondente ao mes de abril, que conta coas seguintes seccións:

* Novas chivitianas: con Paula Gago e David Salgado (4º ESO)

- Inclúe "Novas científicas", con Martina dos Santos e Diana Calvo (1º ESO)

* As nosas dúbidas: Xabi Alonso (1º BAC) interpreta "Estrelas" do musical Los miserables e entrevista ao profesor de música e director dos musicais do noso centro David Rodríguez.

* Adiviña quen é: con Carla Rosas e Sara Xing Moredo (1º BAC)

* Entrevistas: Paula Gago entrevista a Lucía Díaz Nicolino, filóloga, antiga alumna do noso centro e, actualmente, profesora de lingua e literatura galega en prácticas.

*Bibliochivite: Eirín Seoane (1º BAC) entrevista a Vicente Rodríguez, responsable da Biblioteca municipal de Verín.

ENTREGA DUN AGASALLO AO ALUMNADO MÁIS PARTICIPATIVO NOS 21 DÍAS CO GALEGO E +

 

Hoxe, durante o recreo entregáronselles agasallos aos alumnos e ás alumnas que máis traballaron durante o desenvolvemento do programa dos 21 Días co Galego e máis.

ENTREGA DE PREMIOS DO CONCURSO DE CURIOSIDADES DA ANPA "CÓNTAME MÁIS"

Hoxe tivo lugar a entrega de premios dos galardoados no concurso de curiosidades da ANPA durante o recreo, de 11:20 a 11:30.

Os premiados foron: 

- Lucía Diaz Villarino, 3º ESO B.

- Ahinoa Diéguez Rodríguez, 4º ESO A.

- Natalia Cota Dameá, 1º BAC A.

- Nerea García Barea, 1º BAC B.

- Miguel Quintas Parada, 2º BAC A.

Parabéns!

25 de abr. de 2021

DÍGOCHOEU SOBRE O MONTE!

 

Domina o léxico do monte coa axuda deste vídeo realizado por varios alumnos e alumnas de 1º ESO.

VIDEOPOEMA "DEITADO FRENTE AO MAR..." DE CELSO EMILIO FERREIRO

 

Un grupo de alumnas de 2º de bacharelato: Sheila, Celia, Adriana e Silvia representaron desta vez o poema de Celso Emilio Ferreiro "Deitado frente ao mar...", composición feita para a defensa do noso idioma.

PONTE NA SÚA PEL


Os alumnos e as alumnas do That's English modificaron as imaxes dos seus rostros cun programa de envellecemento. Despois reflexionaron, en galego e en inglés, sobre como se sentían tras observar estas modificacións. Neste fragmento podedes ver e escoitar a Iria e Inés, alumnas de That's English! e de 1º de bacharelato.

COMO PRODUCEN O MEL AS ABELLAS?

 





Redacción e audio: Nuria Barreira, 1º ESO A


As abellas comezan a facer mel visitando flores. Recollen un mollo azucrado chamado  néctar da flor ao chupalo coa lingua. Almacénano no que se chama o seu estómago de mel, que é diferente do seu estómago de comida.

Cando os seus “sacos” de  néctar están cheos,  a abella voa de regreso á colmea. Alí, pásano pola boca a outras abellas obreiras que o  mastigan durante aproximadamente media hora, ata que o seu contido de humidade se  reduce.

De novo pásase de abella a abella, ata que gradualmente o  néctar convértese en mel. Daquela as abellas almacénano en celas de  panal.

Cando estes insectos  regurxitan o  néctar, crean mel.

O mel aínda está un pouco húmido, polo que o ventilan coas súas ás para que se seque e se volva máis pegañento.

Así é como as abellas fan mel. Necesítanse polo menos oito abellas para facer unha  cullerada.


POR QUE SAEN AS PENCAS?

 Redacción e audio: Diana Calvo Gallego, 1º ESO


As pencas son pequenas manchas de cor marrón causadas polo sol; trátase dunha acumulación anormal de pigmento nun punto da derme.

O sol non é a única causa da súa aparición: o factor hereditario é sumamente importante na tendencia para desenvolver pencas na pel.

Hai que distinguir as manchas escuras das pencas. As que aparecen co sol son lentigos solares, que adoitan aparecer en zonas  sobreexpostas ao sol como a cara, o escote, as mans ou os antebrazos. Os nevus son os lunares de toda a vida, acumulacións de melanocitos con baixo nivel de  malignización.


24 de abr. de 2021

CAFÉS SABORA

 Redacción e audio: Uxía Pérez Díaz


Cafés Sabora é unha empresa familiar, ubicada no Polígono de Montouto, preto de Santiago de Compostela (A Coruña), e que conta con máis de trinta anos de experiencia no tostado artesanal de cafés e descafeinados ecolóxicos.

O segredo deste produto é unha materia prima de primeira calidade e o tostado  e distribución diario, o que lle permite chegar ao consumidor ás poucas horas  e conservar todas as súas características. O café en grao provén de Colombia, Brasil e Uganda. O noventa por cento é arábica da mellor procedencia e o dez por cento restante,  pertence á  variedade robusta, cultivada en altura, é que está destinada aos cafés expresos.

Dende hai unha década a empresa apostou polo tostado de cafés ecolóxicos cen por cen, con tódolos selos de garantía do café orgánico, que xunto cos descafeinados á auga, permiten conservar todo o aroma e sabor nun proceso totalmente inócuo,  para o medio e para o café. Deste xeito , a empresa aposta polos valores tradicionais, conseguindo un produto de calidade e prestixio, sen renunciar ao respecto polo medio natural, tanto na produción coma no procesamento do café.