Ata o ano vindeiro, deixamos o noso centro engalanado!

Nadal

 E xa nos imos despedindo cunha visita que fixo hoxe o alumnado, acompañado polas profesoras á Residencia de maiores, o Centro de Día e o centro de persoas con diversidade funcional. Alí estiveron para lles levar as postais que fixeran e mesmo cantarlle unhas panxoliñas

Nadal

 

Ata un vilancico fixeron dende literatura galega do Séc.XX, con baile incluído!

 

 

Vilancico moderno 

 O alumnado de 2ª ESO do IES Xesús Taboada Chivite visitou as dependencias do Concello de Verín o día de hoxe para levar as súas peticións formais. Despois de facermos uns proxectos na clase, onde o alumnado traballou distintos temas como: as opcións de lecer en Verín, a caída demográfica, as ofertas de emprego, o nivel de vida e a renda per cápita; sacáronse unha serie de conclusións e con elas elaboráronse peticións que hoxe foron entregadas no rexistro municipal. Agradecemos a colaboración do Concello, en concreto da concelleira de cultura, Samanta, quen nos recibiu amablemente e nos guiou durante toda a visita, explicándonos as distintas dependencias e funcións das persoas que alí traballan.

Nadal

 Mañá temos unha visita á Residencia dos nosos maiores en Verín para lles cantar unhas panxoliñas e levarlles unhas postais de Nadal!

Os mitos na lingua.Hoxe tivemos a oportunidade de nos achegar e de desmontar, coa axuda de Xulio Sousa da Univ de Santiago, moitos dos prexuízos que pesan sobre as linguas en xeral e o galego en particular.

Nadal

 Aínda nos quedan días para traballar o léxico co calendario de Advento! E temos o Apalpador xa campando polo centro 

Nadal

 Aínda nos queda moito Nadal por celebrar, e xa temos o concurso das postais de Nadal exposto.

Nadal

 Todo en marcha para celebrarmos o Nadal:

Calendario de Advento en lingua de signos, calendario de advento con vocabulario en galego e recollida de alimentos co Nadal solidario, xa só nos queda o Apalpador que está a chegar!

Lecturas

Lestes 22 segundos de Eva Mejuto? Se non o fixestes despois de ver o booktrailer de Valeria de 3ºESO A  seguro que vos entran ganas.

22 segundos Eva Mejuto

 

 

25N Día contra a violencia de xénero

 Xa estamos dentro da semana contra a violencia de xénero,mirade que de actividades temos:un trivial, unha exposición sobre micromachismos, carteis...e aínda nos queda!

O circo ambulante

 Comezamos esta semana lembrando a actividade do venres pasado, a nosa excursión a Lugo onde visitamos o Museo Provincial e como remate do noso proxecto de escrita creativa O Circo ambulante, o encontro co alumnado do IES de Xove.

 

 Hoxe celebramos o Día mundial da filosofía e as profes de filosofía e máis o seu alumnado preparáronnos un vídeo, mirade:

 Temos varias novidades de concursos ós que nos presentamos peeroooo...non volas podemos ensinar, así que polo de agora deixámosvos cun booktrailer de Emma, do libro Curros e Holmes, a ver se vos vai picando a curiosidade e vos animades a lelo!

 Esta semana andamos moi ocupadas co experto en gamificación que nos veu polo programa Erasmus pero tamén nos deu tempo de organizar o magosto

 Xa imos preparando o noso Samaín:decorado, representacións, aínda nos queda moito máis!

A historia da banda sonora dos videoxogos

 E comezamos a semana cunha actividade do pasado venres, a presenza e coloquio no noso centro de Erea Carbajales, quen nos falouda historia da música a través da banda sonora dos videoxogos, non paramos de aprender!