Subida ó Castelo de Monterrei co alumnado de 1ESO C e D, repasando os conceptos de xeoloxía que viron co profe José Ángel en bioloxía e acompañados e acompañadas por Xosé Ramón Reigada, quen nos ía explicando as plantiñas que atopabamos:nome local, propiedades...Grazas á súa inestimable axuda.

Estamos na semana do Día das Letras, e nós tamén queremos facerlle a nosa homenaxe ó autor de Córgomo de Valdeorras, o alumnado traballou distintos aspectos da súa obra como os dialectalismos, ou o recitado dos seus poemas.

Música con Zenzar

O alumnado de música de 4º, 1º e 2º de bacharelato puido desfrutar hoxe da presenza de Xose Anton Bocixa Rei, que trouxo o documental sobre bandas galegas, "Barullo" ó noso centro. O alumnado coñeceu a historia dos últimos 50 anos da música en galego e contou ademais coa colaboración do profesor de filosofía Abraham Rubín, músico de O SONORO MAXÍN.

Esta actividade foi proposta é coordinada polo profesor de música David Rodriguez Rivada. Grazas David por facer posible esta gran actividade.

 

Músicas e músicos e bailaríns e bailarinas, porque hoxe o alumnado de 2,3,4 e 1Bac fixeron a coreografía de Terra de Tanxugueiras. Valoramos a nosa música, o noso baile e estamos orgullos@s😁

 Por unha tarde fixemos de músicas e músicos compoñendo con Inés, a guitarrista da Banda da loba, agradecémoslle que se achegara ó noso centro.

 Os maios tamén son vivos e onte colocamos ramiñas de xesta para anunciar que xa chegou, agora si, a primavera, os días longos a época do ciclo agrario...Ou simplemente para eliminar o mal de ollo😁

E ademais lembramos os costumes dos maios coa gravación de Ángeles, a nosa compañeira PT.

 E como sempre andamos fedellando nalgo...pois presentámonos ó Concurso de vídeos promovido polo programa "Dígocho eu", desta non quedamos clasificados pero ben que o pasamos.

Concurso Dígocho eu