Dende o departamento de Tecnoloxía con César Sánchez, tamén se suman ó programa de Sostibilidade e xa teñen eleborados uns podcast sobre a fauna e a flora de Verín de Marco Lorenzo, Noa Rodríguez e Uxía Rúa.
O alumnado recibiu inicialmente unhas nocións teóricas en canto aos tipos de formatos empregados en audio e como poder gravar e editar.
Rematamos a semana do 8M cuns marcapáxinas que fixo o alumnado de 2Bac de Lit.Galega.do Séc.XX co lema "Mulleres que marcan" para non esquecermos o grande labor de mulleres galegas como Isabel Barreto, Rosalía de Castro ou Emilia Pardo Bazán.Podedes ir á Biblioteca recoller o voso!
A choiva hoxe non nos parou e saímos á concentración organizada polo CIM de Verín , ademais o alumnado de 4ºESO deseñou uns carteis para o Día da muller.
Máis traballos do alumnado de 3ºESO achégannos as consecuencias dos incendios forestais, mesmo dos que este ano devastaron Verín.
Seguimos con actividades dentro do contrato programa de SOSTIBILIDADE, e neste caso da man da profesora Carmen Cuquejo e do alumnado de 3ºESO que estivo traballando sobre os incendios.
Seguimos traballando na contaminación acústica e ademais incluíndo criterios de sostibilidade en todo o que facemos, empregando en EPeV material reciclado de caixas de cartón coa profesora Rebeca para celebrarmos os 50 cabodano de Picasso.
Ben seguro que tedes unha chea de fotos do Antroido para poder presentar ó Concurso, apurade!
