Revista Faíscas

Un ano máis!!

Revista Faíscas

Olimpíadas da lingua

 Que vos parecen unhas olimpíadas da lingua para ir rematando o curso? Pois a iso estivemos hoxe con alumnado de 1 e 2ESO grazas á iniciativa das nosas compañeiras de galego: Soraya e Eva e máis a Cristina de E.Física.

 

 Revisamos os pintores e pintoras do Séc.XX da man do alumnado de 4ESO e da súa profesora de historia, María Isabel Gzl.

Disneyland 'eiquí

 Seguimos esta semana coas representacións do musical: un guión que nos fai reflexionar ata sobre a nosa infancia, sobre os guións de vida; mentres desfrutamos de interpretacións musicais e teatrais á altura de calquera compañía de teatro profesional. Animádevos , quedan dúas representacións hoxe e mañá no Auditorio de Verín, de que son 3 horas de puro goce mentres voamos ós mundos reconstruídos de Disney!

Musical Disney d'eiquí

 Xa nn queda nada, collede a vosa entrada!

Obradoiro de Banda Deseñada

 Onte tivemos entre nós a Xián Caamaño para lle dar un Obradoiro de banda deseñada ó alumnado de 2ESO, organizado polo Departamento de galego e polo equipo da Biblioteca.

Día da Letras

 Durante todo o curso fomos celebrando a nosa música popular dende distintos ámbitos, a semana pasada, ademais da exposición dos carteis das Letras deste ano, tamén tivemos unha exposición do traballo feito polo alumnado de 2 e 3 coa nosa compañeira Lucía.

Musical

 Este ano xa case está listo o novo musical que versará sobre as películas de Disney, últimos ensaios e vestiario e coreografías a punto, xa temos ganas de velo, haberá actuacións os días 3 e 4 de xuño no instituto e o 6 e o 7 no auditorio municipal ás 20,30!

Contos populares e películas de Disney

 Como este ano andamos a voltas coa nosa literatura popular, desta tocoulle ós nosos contos populares, en colaboración co profesor de Música, David Rdg., o alumnado de 1BAC preparou unha presentación relacionando os contos de Fole ou Risco con motivos das películas de Disney.

II Entrecurtas Chaves

 Volvemos este ano tamén a Chaves para participar como xurado no Festival Entrecurtas, desta os xurados foron Adriel Losada de 1Bac A e Uxía Pérez de 1Bac C.

Non tedes unha destas chapas? Pois a que esperades para comprarlle ó alumnado de 4ESO?Na ristra de mañá sábado.

Día do libro

 E quédanos no tinteiro unha actividade que organizaron dende o equipo da Biblioteca: Libros que curan! Todos os males teñen un libro axeitado!

Celebrando o Día das Letras

 Aínda non chegou, pero xa levamos celebrando a nosa rica literatura popular e desta, cunha actividade que nos veu da man da Ed. Galaxia, coa música  das nosas cantareiras no Auditorio de Verín co alumnado de 1 e 2 ESO.

Cantamos coas mans

 Outro ano máis participamos no Concurso que organiza a Federación de persoas xordas, desta coa canción Moiras, de Fillas de Casaandra coa que conseguimos a Mención de honra.

https://youtu.be/s27Z-AbbZIM?feature=shared

Encontro co IES do Ribeiro

 Despois do proxecto desenvolto ó longo deste curso, damos por rematado o mesmo.cunha excursión ó IES do Ribeiro, onde celebramos o día da Revolución dos cravos, onde nos explicaron toda a oferta educativa do seu centro, os servizos da vila e onde fixemos un percorrido por todo o seu patrimonio que non é pouco, salientando os tres puntos que nos unen:

-Dúas vilas fronteirizas

-Dúas vilas que conservan o seu castelo medieval

-Dúas zonas vitivinícolas importantes.