Saray Suárez, alumna do noso centro, que cursa 1º de Bacharelato, acaba de lograr un dos vinte premios, que a Consellería de Educación concede ao esforzo e a superación persoal do alumnado de ESO, superando as súas dificultades de tipo persoal, educativas ou do contorno familiar ou sociocultural.
Recibirá 750 euros, pero o principal obxectivo destes premios é que os alumnos galardoados sexan un exemplo para compañeiros e compañeiras en situacións similares.
Nunha entrevista publicada hoxe en "La voz de Galicia" Saray comenta que non debería ser noticia que unha xitana aprobe a ESO e que o máis importante na vida, a base de todo, é a educación. A súa meta é chegar a graduarse en Maxisterio por Infantil.
Ningún comentario:
Publicar un comentario