Seguen chegando as vosas recollidas da vendima, desta vez de Aarón Salgueiro e Miguel Pañeda, pero desta ides ter que vela no noso Facebook:

 https://www.facebook.com/ofiadeirodalingua/?ref=pages_you_manage

 

 Aínda nos queda algo de Samaín por amosar!!!Os debuxos que temos onda o mural do alumnado 1º e 2º Bac. representando bodegóns ó estilo do pintor Zurbarán do alumnado, comandados polo profe de EPeV Javier Díaz (quen nos fixo este vídeo).

 E...comezamos co mes do Samaín, o alumnado de 2ºESO B e C quixo ensinarnos como foi parte do proceso do mural que temos no centro, dende a Galicia profunda.

 

IMOS A MELLOR OU A PEOR?

Helena Prada, alumna de 1º ESO C, reflexiona sobre se o noso mundo vai a mellor ou a peor. Foi un traballo realizado para a materia de Valores Éticos.

MAIOS SOLIDARIOS 2021

 

O alumnado de 3º ESO do noso centro participou na elaboración das coplas solidarias do Concello de Verín, xunto a outros nove colectivos.

O obxectivo deste ano é recadar fondos para o programa de atención as necesidades básicas de persoas da comarca de Verín do C.D.R. Portas Abertas. Para este fin concreto , o Concello de Verín doará a cantidade orzamentada para a Festa dos Maios 2021. Ademais, as persoas que lean as coplas, poden colaborar facendo doazóns ao número de conta, que aparece na portada.

Podedes acceder as mesmas, premendo nesta LIGAZÓN

VIDEOCONFERENCIA SOBRE XELA ARIAS, POETA E EDITORA Á QUE SE LLE ADICA ESTE ANO O DÍA DAS LETRAS GALEGAS

O día 7 de abril, o alumnado de primeiro de bacharelato tivo a oportunidade de escoitar a conferencia “Xela Arias, o mundo escríbese con X”, a cargo de Víctor Freixanes, Presidente da Real Academia Galega e de Montse Pena Presas, profesora da USC e biógrafa de Xela Arias.

Grazas a Biblioteca Pública Municipal de Verín por ofrecernos a posibilidade de participar.

VIDEOPOEMA "IRMAUS", CELSO EMILIO FERREIRO

 

Videopoema "Irmaus", de Celso Emilio Ferreiro, realizado por Alba Chantrero, Pablo Fernández, Brais González, Noa Lombao, Uxía Martínez e Jorge Valle, alumnado que cursa a materia de Literatura Galega do Século XX e da actualidade

VIDEOPOEMA "MORAIMA", CELSO EMILIO FERREIRO

 

Videopoema "Moraima", de Celso Emilio Ferreiro realizado por María Pérez, Lorena Rodríguez, Lucía Rodríguez, Raúl Cabido, Fernando Gallego e Fran Pérez, alumnado de 2º de bacharelato, que cursan a materia de Literatura Galega do Século XX e da actualidade.

LONGA NOITE DE PEDRA, CELSO EMILIO FERREIRO

 

Videopoema realizado por Helena Rivero, Manuel Quintas, Daniel González, María Palomares, Sheila Alves e Diego Sabariz, alumnado de Literatura Galega do Século XX e da actualidade.

DESPEDIDA DOS 21 DÍAS CO GALEGO E MÁIS NO PATIO

 

O venres, 12 de marzo, boa parte da comunidade educativa do noso centro despediuse no patio, durante o recreo, deste programa. 

No Chivite: Estivemos, estamos e estaremos co GALEGO!!!!

DESPEDIDA DO DIRECTOR DO CHIVITE DOS 21 DÍAS CO GALEGO E MÁIS

 

César Sánchez Pampín, director do noso centro, comenta neste vídeo o que supuxo para o instituto a participación no programa dos 21 Días co Galego e máis.

VIDEORREUNIÓN DE CLAUSURA DOS 21 DÍA CO GALEGO E MÁIS

Autora imaxe: Lucía Castro

Hoxe, luns 15 de marzo ás 12:00, tivo lugar o acto de clausura oficial por videoconferencia, do programa dos 21 Días co Galego e máis, no que tivemos a honra de poder participar.

Nel estiveron Valentín García Gómez (secretario xeral de Política Lingüística), Víctor F. Freixanes (presidente da Real Academia Galega), Pilar Ponte (coordinadora docente do programa), Roxelio García (coordinador técnico do programa) e tres dos centros participantes: IES Perdouro de Burela, o CPR A Inmaculada de Lugo e o IES Xesús Taboada Chivite.

Polo noso centro falaron o profesor Javier Rodríguez e tres alumnos de 1º ESO: Martina Dosantos, Ana Gago e David Regueiro, que leron un fermosísimo texto redactado polos profesores Isabel Cota e David Rodríguez.

Podedes ler o texto premendo na seguinte LIGAZÓN

          Autora imaxe: Lucía Castro

Tamén podedes ver o vídeo no que aparecen os tres alumnos de 1º ESO lendo o texto, premendo na LIGAZÓN

HOMENAXE ÁS AVOAS DO ALUMNADO DE 2º ESO C

No Día da Muller, homenaxe ás avoas de alumnado de 2 ESO do IES Taboada Chivite (coa súa profe Tamara Varela)

AS NOSAS MESTRAS EN ÍTACA

Conmemoración do Día da Muller Traballadora: “As nosas mestras en Ítaca” Vídeo homenaxe a seis compañeiras do noso centro que xubilaron recentemente. Neste vídeo fan unha pequena reflexión do seu paso polo mundo do ensino: aspectos positivos e negativos, e se senten morriña. 

O 22 DE FEBREIRO NO CHIVITE COMEZAMOS OS 21 DÍAS CO GALEGO E +!!!!!

 

O luns, no IES Taboada Chivite... Comezamos os... 21 DÍAS CO GALEGO E+!!!!!!!!!!

O acto de inaguración terá lugar ás 10:30 da mañá no salón de actos.

Se queredes ver o vídeo no que dous alumnos e dúas alumnas de 1º ESO B do centro nos convidan a participar no programa, premede nesta LIGAZÓN

EXPOSICIÓN FOTOGRÁFICA "CHEGANDO A ÍTACA"

O profesor, Javier Rodríguez, está montando no corredor que vai á biblioteca, unha exposición coas imaxes e as reflexións presentadas polo alumnado ao concurso "Chegando a Ítaca", durante o outono.

Queremos que  esta exposición coincida coa participación do instituto no programa da Secretaría Xeral de Política Lingüística "21 Días co Galego e +", xa que as persoas maiores e o galego son dous tesouros que debemos valorar e conservar.

Como este ano, dada a situación de alerta sanitaria que estamos vivindo, as familias non poden vir ao centro, fixemos este vídeo para que poidan vela de xeito virtual. 

Ao mesmo tempo que van a pasando as imaxes, a profesora Isabel Cota, recita o poema traducido ao galego: "Ítaca", do poeta grego Kavafis, que lle da nome ao concurso.

QUE O GALEGO SEXA A SENDA DA TÚA VIDA! BO NADAL 2020!

 

Imaxe: Javier Rodríguez García.

PREMIADOS NO CONCURSO "CHEGANDO A ÍTACA"

 Os gañadores do concurso fotográfico "Chegando a Ítaca" son:

1º premio: David Regueiro Fernández, 1º ESO B.

“A vida”: A fotografia representa a paso da vida, dende a xuventude ata a vellez, os cambios que presentamos co paso do tempo. As engurras representan sabedoría.

2º premio: Nerea García Barea, 1º BAC B.

"As engurras" 

Escollín está imaxe debido a que dende pequena sempre me gustou comparar as engurras dos meus avós cos pregos que están presentes na cortiza das árbores, xa que en ambos casos, contra mais houbera, máis idade.  

Esas rugosidades dinnos máis do que cremos, se pensamos detidamente son as marcas dos que sufriron, dos que se caeron e despois levantáronse. 

Todo para continuar loitando, para ter un bo futuro para eles mesmos e para a súa familia. 

Non podemos deixar que caia no esquecemento todo o que fixeron; é grazas a eles que estamos aquí.

Deberiamos escoitalos e aprender deles, saben da vida moito máis que nós.

E para terminar, gozade cada momento con eles porque chegará un día no que xa non estarán e o que quedará entón serán as nosas lembranzas.

3º premio: Laura Dos Santos Gallego, 1º BAC A.

“Son coma un libro con páxinas cheas de coñecemento”

Nun banco preto da lareira dúas persoas con cabelos brancos,

son o coñecemento e a sabiduría que todos nós obtemos,

eles son o cariño e amor que todos necesitamos,

son o resumo dunha vida enteira chea de experiencias

grazas as cales sobrevivimos neste estraño mundo.

Quen son estás persoas? Os nosos avós.

A entrega de premios terá lugar o vindeiro día 21 de decembro, ás 11:20 na biblioteca do noso centro.

 

Parabéns aos premiados e  moitas grazas a todos por participar!!!

No mes de febreiro realizarase unha exposición coas imaxes presentadas, coincidindo coa participación do instituto no programa 21 Días co Galego e +.

LOGO PARA O DÍA INTERNACIONAL PARA A ELIMINACIÓN DA VIOLENCIA CONTRA AS MULLERES

Este logo foi deseñado polo alumnado de Plástica do profesor Javier Diaz.

NADAL SOLIDARIO NO CHIVITE

 

Este ano, a recollida de alimentos para Cáritas Verín, levarémola a cabo con algúns cambios para garantir a seguridade.

Co fin de evitar que os produtos estean no centro moito tempo o que podería ser un estorbo para a limpeza, só se poderán traer alimentos e xoguetes os luns de cada semana, e deixarédelos na porta pola que accededes ao centro:

A que está a carón do pavillón, a da zona da mesa de pimpón e a porta principal. Haberá unhas caixas para deixar o que traiades. Cada luns levarase a Cáritas o  recollido no día.

A recollida comezará o luns 30 de novembro e continuará o 14 e o 21 de decembro.

Sexamos xenerosos e fagamos que este Nadal ninguén quede sen poder celebrar.