Onte e hoxe tivemos o Xogo de pistas do Circo ambulante, a actividade de escrita creativa que estamos a desenvolver co IES de Xove, Lugo. O alumnado de 2ºESO a través de indicacións e pistas que fixera o alumnado de 1ºESo, e viceversa, tiñan que ir adiviñando algún dos dos personaxes do noso circo: o tirador, o fontaneiro, o mago, o escapista, as zanqueiras, os futbolistas, as maquilladoras, domores de leóns, Motomami e motoristas... e uns cantos máis! Xa estamos para ir de xira.
Os medios públicos en galego, a competencia: Redes sociais-Medios de comunicación e a manipulación da información despois de máis de 200 Venres negros da CRTVG foron os temas que hoxe nos achegou a xornalista Manuela Iglesias Cid ó alumnado de 1ºBAC.A integridade profesional e a persoal desta xornalista permite que se reivindique o xornalismo de calidade.Esperamos que no noso alumnado calara a importancia de seren críticas e críticos e de estaren sempre ben informados.
Dende o departamento de Tecnoloxía con César Sánchez, tamén se suman ó programa de Sostibilidade e xa teñen eleborados uns podcast sobre a fauna e a flora de Verín de Marco Lorenzo, Noa Rodríguez e Uxía Rúa.
O alumnado recibiu inicialmente unhas nocións teóricas en canto aos tipos de formatos empregados en audio e como poder gravar e editar.
Rematamos a semana do 8M cuns marcapáxinas que fixo o alumnado de 2Bac de Lit.Galega.do Séc.XX co lema "Mulleres que marcan" para non esquecermos o grande labor de mulleres galegas como Isabel Barreto, Rosalía de Castro ou Emilia Pardo Bazán.Podedes ir á Biblioteca recoller o voso!
A choiva hoxe non nos parou e saímos á concentración organizada polo CIM de Verín , ademais o alumnado de 4ºESO deseñou uns carteis para o Día da muller.
Máis traballos do alumnado de 3ºESO achégannos as consecuencias dos incendios forestais, mesmo dos que este ano devastaron Verín.
Seguimos con actividades dentro do contrato programa de SOSTIBILIDADE, e neste caso da man da profesora Carmen Cuquejo e do alumnado de 3ºESO que estivo traballando sobre os incendios.
