CIENCIA NA CASA: DISECCIÓN DO APARATO RESPIRATORIO DUN PORCO

Neste vídeo, Inés André e Iria García, alumnas de Anatomía Aplicada de 1º BAC diseccionan o aparato respiratorio dun porco, que é bastante semellante ao noso. Observaron a anatomía externa e interna das vías aéreas e dos pulmóns.

Bo traballo rapazas!

EXXPERIMENTA EN FEMININO

Durante dúas semanas estará no noso centro a exposición "Exxperimenta en feminino", impulsada polo profesorado feminino das carreiras STEM do Campus de Ourense da UVIGO e patrocinada pola Fundación Española para a Ciencia e a Tecnoloxía (FECYT) e a Universidade de Vigo. 

A exposición componse de 14 paneis, que están repartidos por distinta zonas do instituto. Cada un deles mostra as actividades e logros dunha muller científica ou tecnóloga que se pode considerar un referente no campo STEM (Science, Technology, Engineering and Mathematics).

O obxectivo principal desta iniciativa  é promover a visibilización das mulleres nas disciplinas científicas e tecnolóxicas, así como servir de polo de atracción  de nenas e mozas cara a ciencia e as enxeñerías.

Desde RadioChivite propóñennos o seguinte reto:  Despois de visitala, seriades quen de adiviñar quen son estas seis mulleres que vos van falar a continuación, neste vídeo,  todas elas integrantes da exposición?

 

Se averiguades quen son, enviade un email co voso nome, apelidos, curso e grupo, e coas seis respostas por orde de intervención no programa a radiochivite@gmail.com ou a ofiadeirodalingua@gmail.com.

Visitade a exposición e anímaivos a participar!!!

CIENCIA NA CASA: A VISTA

Con esta experiencia, Judith García Pereira de 1º BAC A, indícanos como podemos determinar a distancia focal media e identificar cal é o noso ollo dominante. Ademais, explícanos mediante exemplos en que consiste a percepción visual.

Para visualizar esta práctica, preme nesta LIGAZÓN

CIENCIA NA COCIÑA: DESNATURALIZANDO PROTEÍNAS.

Nesta práctica, o obxectivo da alumna de 1º BAC, Sheila Prieto Estévez, foi observar a desnaturalización que sofren as proteínas da clara do ovo e do leite ao engadirlles alcol ou ácidos respectivamente.

Para visualizar a súa presentación, preme na seguinte LIGAZÓN

CIENCIA NA CASA: DISECCIÓN DUNHA COXA DE POLO

Helena Rivero Ferreira e Lorena Rodríguez González, alumnas de 1º de bacharelato, explícannos desde a súa casa a disección dunha coxa de polo, para estudar os ósos, os músculos e os tendóns da mesma,  como modelo da nosa perna, a través dunha presentación e dun vídeo respectivamente.

A proposta inicial era que diseccionasen a pata completa, pero tiveron que conformarse coa coxa, xa que a pata completa non estaba dispoñible no mercado. 

Para ver a presentación, premede na seguinte LIGAZÓN

Se desde o móbil, tedes problemas para ver o vídeo realizado por Lorena, premede nesta LIGAZÓN

CIENCIA NA CASA: SEPARACIÓN DE PIGMENTOS VEXETAIS. EXPERIENCIA REALIZADA POR LORENA RODRÍGUEZ DE 1º BAC B.

Neste vídeo, Lorena Rodríguez González, alumna de 1º BAC B do Chivite, explícanos como separar distintos pigmentos fotosintéticos: clorofilas, carotenos, xantofilas e antocianos, realizando unha cromotografía de papel.
Bo traballo, Lorena!

CIENCIA NA CASA: OSMOSE EN OVOS DE PITA E EN CENORIAS.

Para ver o experimento realizado por Sheila Alves Núñez de 1º BAC A, preme nesta LIGAZÓN
Na casa pódese facer ciencia!!!

CIENCIA NA CASA: EXTRACCIÓN DE PIGMENTOS VEXETAIS.

A alumna de 1º BAC A, Judith García Pereira, realizou un experimento para extaer xantofilas, catotenos e clorofilas en tres follas distintas.
Na casa tamén se pode facer ciencia!!!
Podedes ver esta experiencia premendo na seguinte LIGAZÓN

EXTRACCIÓN DO ADN DUN PLÁTANO

Neste vídeo, Pablo Rodríguez Dos Praceres e Miguel Quintas Parada de 4º ESO B, desenvolveron un experimento para extraer o ADN dun plátano.

SON PREXUDICIAIS OS ALIMENTOS TRANSXÉNICOS?

Dous grupos de alumnas de 4º ESO, analizan nas súas presentacións, se os alimentos transxénicos son prexudiciais para a nosa saúde.
O primeiro grupo está integado por Sheila Álves Gómez e Esther Canado Gómez de 4º ESO A

Para ver a súa presentación, podedes premer na seguinte LIGAZÓN.

O segundo grupo está formado por Naiara Rodríguez Rojas e María Vega Pazos de 4º ESO C.

Para ver a súa presentación, podedes premer na seguinte LIGAZÓN

ESTUDO DE XERMINACIÓN CON CEBOLAS, PEMENTOS E LEITUGAS

Luis Martínez de 1º BAC A realizou un estudo para determinar cal é o terreo máis idóneo e o mes máis propicio para que xerminen sementes de cebolas, leitugas e pementos.

MODELO DUNHA VÉRTEBRA CON MATERIAIS RECICLABLES.

Os alumnos de 1º de bacharelato, que cursan Anatomía Aplicada deseñaron e construíron un modelo dunha vertebra con calquera tipo de materiais reciclados: cartolina, cortiza, plástico, arame, madeira, plastilina, etc.

O obxectivo desta actividade foi facer un modelo dunha vértebra que resultase útil para estudar as súas partes e entender o funcionamento da columna vertebral.

FACENDO CIENCIA EN GALEGO!!!!

Os alumnos e alumnas de 2ºde Bacharelato C puxeron as súas batas brancas, e decidiron investigar sobre temas científicos moi variados. Todo comezou co gallo da lectura do libro de Jorge Mira, A ciencia no punto de mira, o revulsivo que animou a estes emprendedores a crear ciencia e... quen sabe!, ó mellor co tempo son uns grandes científicos e científicas. De momento, coas súas investigacións chegaron a curiosas conclusións que, sen dúbida, nos sorprenderán. (E a pesar dos seus experimentos, o instituto inda quedou en pé!! Eu xa contaba o peor: unha explosión, queimaduras de 1º grao... pero...todo controlado. Que profesionalidade!)

Rosa Alonso (profesora de Lingua e Literatura galega)

A continuación podedes ver os vídeos coas conclusións as que chegaron os alumnos de 2º de Bacharelato C:

MAQUETAS CELULARES REALIZADAS POLOS ALUMNOS DE 1º ESO C E 1º ESO D

Os alumnos de 1º ESO C e  1º ESO D deseñaron e construiron maquetas de células eucariotas e procariotas coa súa profesora de Bioloxía, Iria Relova. Un bo xeito de aprender a estrutura celular.

Podedes visualizar todos os modelos realizados premendo na seguinte  LIGAZÓN

MARTA GIL E PAULA GAGO, DE 1º ESO, METEORÓLOGAS POR UN DÍA

Nos seguintes vídeos aparecen dúas alumnas de 1º ESO, Paula Gago e Marta Gil, predecindo o tempo atmosférico na clase de Bioloxía. Un bo xeito de aplicar os contidos impartidos pola súa profesora Rosario Romero.
A gravación e montaxe dos vídeos corresponde ao  profesor Daniel García Cancio.


Marta Gil Pérez predice o Tempo from DANIEL GARCIA CANCIO on Vimeo.



Paula Gago Prieto from DANIEL GARCIA CANCIO on Vimeo.

CONSTRÚE UN COMPÁS SIMPLE CUNHA AGULLA, UN IMÁN E UNHA CORTIZA

O 4 de novembro celébrase o VIII día da Ciencia en Galego. Este ano adícase as viaxes científicas. Unha das actividades propostas desde Igaciencia, para conmemorar este día, é construir un compás sinxelo como fixeron os chineses para saber onde está o norte en calquera situación, de día ou de noite. Este invento representou un paso de xigante nas comunicacións marítimas e terrestres. Só precisas unha agulla, un imán é unha cortiza.

Se queres saber como construílo, preme na seguinte LIGAZÓN

XEOTROPISMOS EN FABAS

Carlos Rodríguez Jiménez, alumno de 1º BAC A,  realizou un experimento para estudar os movementos das raíces e dos talos das fabas en resposta á gravidade: Os xeotropismos

PRESENTACIÓN SOBRE A POLINIZACIÓN DAS ANXIOESPERMAS

BOA VIAXE POLA CIENCIA EN GALEGO 2017

Feliz Ciencia en Galego2017 by ofiadeirodalingua on Scribd

VII DÍA DA CIENCIA EN GALEGO

Brochure Galician Oficial by ofiadeirodalingua on Scribd

Legumes by ofiadeirodalingua on Scribd

diversidade.pdf by ofiadeirodalingua on Scribd

Cruz Gallastegui by ofiadeirodalingua on Scribd

enfermida de celtas by ofiadeirodalingua on Scribd

O alumnado de PMAR e os que cursan Bioloxía en 3º traballarán con estes cartaces a través da realización de este cuestionario:

Cuestionario Sobre Os Legumes by ofiadeirodalingua on Scribd