CASO CLÍNICO TÉTANOS

A alumna Lorena Rodríguez González de 1º BAC B, despois de analizar os síntomas dunha paciente ficiticia: babeo, febre, sudoración excesiva, espasmos, irritabilidade e dificultate para deglutir, e tras descartar que non padecía nin meninxite, nin rabia, diagnosticou que sufría tétanos.

Para visualizar o seu rigoroso estudo dun caso clínico podedes premer na seguinte LIGAZÓN

OS PAXAROS NA MÚSICA CLÁSICA

Moitos compositores inspiráronse, ao longo dos séculos, no canto dos paxaros para escribir música. Foron as aves fonte de inspiración que incorporaron as súas obras. Neste vídeo veredes algúns deses grandes compositores e poderedes escoitar fragmentos das súas creacións onde os paxaros teñen protagonismo. Forma parte do proxecto "O Monte Vivo".

Se na versión do blog para móbiles, tes problemas para visualizar o vídeo, preme na seguinte LIGAZÓN

Gozade deste paseo pola natureza e a música!

CONTO DE LÚA RODRÍGUEZ ( 1º ESO D): "A GRANDE AMIZADE ENTRE UN GUSANIÑO E UNHA FLOR"º

Unha día o gusaniño larpeiro e esfameado decidiu buscar unha fermosa flor para encher a súa barriguiña. Mal pensou el que a delicada flor ía convencelo de que non levase a cabo a súa despiadada acción. Se queres saber que pasou, terás que ler este tenro diálogo creado por Lúa Rodríguez de 1º ESO D, premendo nesta LIGAZÓN

CICLO VITAL DUN AMORODO

Sheila Prieto Estévez de 1º BAC A explícanos as fases do ciclo biolóxico dunha anxiosperma, o amorodo. Describe a formación dos gametófitos, a polinización, a dobre fecundación, a formación da semente e do froito, así como, a dispersión e a xerminación da semente.
Foi quen de realizar un vídeo ameno e entretido, para que coñezamos a reprodución sexual deste froito tan saboroso. Parabéns!!!

MÁSCARAS CON MENSAXE. LETRAS GALEGAS 2020.

Neste tempo de confinamento, as alumnas de Javier Díaz, profesor de Plástica do Taboada Chivite, elaboraron máscaras con mensaxes de amor pola nosa terra e pola nosa lingua.
Parabéns polo fermoso traballo!!!

"DEBULLANDO A POESÍA DE CARBALLO CALERO. LETRAS GALEGAS 2020"

Os alumnos e as alumnas de Literatura Galega do Século XX e XXI escolleron as imaxes e os poemas de Ricardo Carballo Calero, que recitan neste vídeo e cos que quixeron espir a poesía deste grande autor no Día das Letras Galegas.
Agradecementos a "Luar na Lubre" polo tema que soa de fondo.
Parabéns!!!

DE CARBALLO A CARVALHO. PERCURSO POLA VIDA E OBRA DE RICARDO CARVALHO CALERO.

De Carballo a Carvalho. Percurso pola vida e obra de Ricardo Carvalho Calero (documental emitido o 15 de Maio do 2020 pola TVG)
Para ver o documental podedes premer na seguinte LIGAZÓN

IGUALA-T NO CHIVI-T, O BLOG DO DEPARTAMENTO DE ORIENTACIÓN PARA POTENCIAR A IGUALDADE NO NOSO CENTRO

Hoxe queremos darvos a coñecer o blog "Iguala-T no Chivi-T" que pretende dinamizar o respecto pola diversidade, a igualdade de oportunidades e a equidade no seu sentido máis inclusivo.
Desde o Departamento de Orientación agradecen calquera iniciativa relacionada coa igualdade que os membros da comunidade educativa do Chivite queiran facer,
Para entrar neste blog, que pretende contribuír a potenciar a igualdade no noso centro, premede na seguinte LIGAZÓN

ENSAIOS DO POPURRÍ DE COREOGRAFÍAS E CANCIÓNS DE MUSICAIS ANTERIORES

Neste ano de transición entre A Bela e A Besta e La La Land, alumnado e profesorado de IES Taboada Chivite seguían cantando e bailando. Estaban a preparar un popurrí con coreografías e cancións de musicais anteriores. Por desgraza, todo quedou truncado co confinamento. Mais non queren que remate o curso sen amosarnos algúns dos seus ensaios (gravados co móbil).
Grazas por facer do Chivite un novo Brodway!!!

A "TECEDORA DE SOÑOS" NON PODERÁ REPRESENTAR ESTE CURSO "A PIRAGUA", DE CÁNDIDO PAZÓ,PERO OFRÉCENNOS UN AVANCE.

A obra que ía representar este curso o grupo de teatro do noso instituto, A Tecedora de Soños, é A Piragua, de Cándido Pazó, mais o seu proxecto quedou truncado como consecuencia do confinamento.
Os integrantes do grupo non queren que remate o curso sen que saibades algo sobre o que estaban a preparar e que esperan poder levar ó escenario o vindeiro curso.
Miguel Quintas, un dos integrantes que levan máis tempo no grupo e que ía ser o protagonista, fálanos do proxecto e interpreta un monólogo do seu personaxe, Delio.
Moito ánimo e forza para os integrantes de A Tecedora de Soños.
Parabéns polo voso traballo!!!!!!

HOMENAXE A RICARDO CARVALHO CALERO DESDE O CHIVITE

Desde o EDLG do Chivite, con este vídeo, queremos renderlle unha pequena homenaxe a Ricardo Carvalho Calero, historiador da literatura, crítico literario, filólogo, lingüista e escritor galego, ao que este ano se lle dedica o Día das Letras Galegas.
Foi membro do Seminario de Estudos Galegos e do Partido Galeguista, ademais do primeiro catedrático de Lingua e Literatura Galega da Universidade de Santiago de Compostela, numerario da Real Academia e membro de honra da Associaçom Galega da Lingua.
Autor dunha extensa obra, está considerado o ideólogo do reintegracionismo lingüístico, postura que defende que o galego é unha variedade da lingua portuguesa ou, no ámbito científico, do galego-portugués.
Por mor da crise sanitaria que estamos vivindo, a conmemoración oficial do Día das Letras Galegas trasladouse do día 17 de maio ao día 31 de outubro de 2020. Ademais,varios colectivos estanlle pedindo a RAG que no 2021, o Día das Letras Galegas volva adicarse a Ricardo Carvalho Calero.

MAQUETAS DE CÉLULAS EUCARIOTAS ANIMAIS COMESTIBLES

O alumnado de 3º ESO realizou maquetas de células eucariotas animais utilizando materiais comestibles e caseiros: xelatina, chuches, pasta, legumes, pizza, froitas, etc.

1.    Membrana plasmática.

2.    Citoplasma

3.    Citoesqueleto

4.    Centrosoma

5.    Ribosoma

6.    Retículo endoplasmático rugoso

7.    Retículo endoplasmático liso

8.    Aparato de Golgi

9.    Lisosoma

10. Vesícula

11.  Núcleo.

Podedes ver todas as maquetas presentadas polos alumnos e alumnas de 3º ESO premendo na seguinte Ligazón

CICLOS BIOLÓXICOS DE PLANTAS SEN SEMENTES

Lorena Rodríguez González e Miguel Quintas Parada, alumnos de 1º de bacharelato, explican nos seus vídeos de forma sinxela e amena os ciclos biolóxicos de dúas plantas sen sementes: un musgo e un fento. Esta actividade enmárcase dentro do proxecto "O Monte Vivo"

ALUMNADO DE 2º ESO DO CHIVITE EN FORMA DURANTE O CONFINAMENTO

Neste vídeo aparecen alumnos e alumnas de 2º da ESO realizando exercicios de estiramento, de tonificación e de equilibrio nas súas casas para manterse en forma durante o confinamento. Estes exercicios propúxollos a súa profesora de Educación Física, Cristina Fernández Neira.
Moi ben por conservar este hábito tan saudable para o corpo e para a mente durante o estado de alarma!

PREMIOS YOUTUBEIR@S 2020

Os premios Youtubeir@s teñen como finalidade animar a creación de vídeos con temáticas e formatos diversos e sumar visibilidade á produción en galego e á comunidade youtubeira.

Poden optar a estes premios todas as persoas maiores de 14 anos con vídeos autoproducidos subidos a Youtube. Pódese participar cun vídeo, con varios vídeos e/ou cunha canle.

- Todos os vídeos inscritos teñen que estar publicados con data posterior ao 27 de setembro de 2019 na plataforma de vídeos Youtube, sen restricións de privacidade e cos cancelos #youtubeiras #youtubeiros na descrición do vídeo.

- No caso de presentar unha canle, esta ten que conter cando menos 5 vídeos realizados con data posterior ao 27 de setembro de 2019, estar en galego e ter na descrición os cancelos #youtubeiras #youtubeiros, sen restricións de privacidade.

- Os vídeos individuais que sexan presentados a Youtubeir@s teñen que estar integramente en galego.

- As canles de Youtube presentadas deben ter a maioría dos vídeos en galego.

- Os títulos dos vídeos, as descricións e os subtítulos permanentes (de habelos) teñen que estar en galego.

Premios:

CANLE, premio dotado con 1000 €. Optan a este premio as canles presentadas.

YOUTUBEIR@, dotado con 1000 €. Optan a este premio creadores e creadoras das canles presentadas.

VÍDEO, dotado con 1000 €. Optan a este premio os vídeos presentados.

CALIDADE LINGÜÍSTICA, dotado con 500 €.

IMPACTO, premio dotado con 500 €.

CALIDADE TÉCNICA, premio dotado con 500 €.

COMUNICACIÓN, premio valorado con 500 €.

CREATIVIDADE, premio valorado con 500 €.

MUSICAL, premio valorado con 500 €.

DIDÁCTICO, premio valorado con 500 €.

PIONEIRO, premio valorado con 500 €.

DO PÚBLICO, valorado con 500 €.

O prazo para inscribir os vídeos e canles no Premios Youtubeir@s é do 27 de maio de 2020 ao 23 de outubro de 2020 ás 23.59 h. A participación está aberta ao ámbito internacional e é de balde.

Descarga as bases na web https://youtubeiras.gal/ e inscríbete o teu vídeo, os teus vídeos ou a túa canle a partir do 27 de maio.

PARTICIPA NA X EDICIÓN DE INSPIRACIENCIA!!!

Inspiraciencia é unha iniciativa que relaciona ciencia e escritura dun xeito lúdico, un espazo aberto para pensar e imaxinar a ciencia desde a ficción. O seu obxectivo é fomentar un achegamento ao pensamento científico, de forma libre e persoal, a través da creación literaria, e explorar realidades antes non imaxinadas.

Tedes que escribir un relato científico cunha extensión máxima de 800 palabras en galego, castelán, catalán ou éuscaro; e presentalo a través da web de Inspiraciencia ( https://www.inspiraciencia.es/gl/) antes do día 7 de xuño de 2020.

Podedes consultar as bases deste concurso organizado polo CSIC (Centro Superior de Investigacións Científicas) premendo na seguinte LIGAZÓN

COPLAS DOS MAIOS 2020 DO ALUMNADO DO CHIVITE

Neste vídeo podedes escoitar, musicalizadas, as "Coplas dos Maios", compostas polo alumnado do IES Xesús Taboada Chivite durante o confinamento para colaborar co Concello de Verín na edición do MAIO SOLIDARIO COA VACINA PARA O CORONAVIRUS-19, da que xa falamos nunha entrada anterior.

O CHIVITE PARTICIPA NOS MAIOS SOLIDARIOS DO CONCELLO DE VERÍN POLA INVESTIGACIÓN DA VACINA CONTRA O COVI-19

O alumnado do noso instituto, motivado polo profesorado de Lingua Galega, e coa participación do EDLG e de Vicedirección,  colaborou co Concello de Verín compondo 24 coplas para a edición do MAIO SOLIDARIO COA VACINA PARA O CORONAVIRUS-19, xunto con outros nove colectivos que participaron na Festa dos Maios anos atrás.
O Concello de Verín doará, integramente ao Centro Nacional de Biotecnoloxía (CNB) do Consello Superior de Investigaciones Científicas (CSIC), a cantidade orzamentada para a Festa dos Maios do 2020, pedindo a colaboración das persoas lectoras para o mesmo fin.
Para ler as coplas elaboradas polos dez colectivos participantes, así como para facer unha doazón solidaria podedes premer na seguinte LIGAZÓN