O VIÑO NA COMARCA DE MONTERREI

Durante estas semanas na Biblioteca fixeron a exposición do proxecto documental integrado "O viño na comarca de Monterrei" e tiveros talleres de aromas, sabores, cor...coordinados polos departamentos de ciencias e física e química.

http://bibliochivite.blogia.com/

SAÍDA AO RÍO TÁMEGA

O pasado venres, día 6 de xuño, un grupo de alumnos de 1º de Bacharelato (A e B), acompañados de tres profesores, realizaron unha saída ao río Tamega para analizar a calidade das súas augas en distintos tramos do río.

Os parámetros físico-químicos valorados foron: pH, temperatura, turbidez, dureza, concentración de nitratos e nitritos, así como a presenza de macroinvertebrados (perlas, efímeras...).

Algunhas das determinacións realízaronse in situ e outras no laboratorio do instituto.

Esta actividade foi organizada polo departamento de Física e Química en colaboración co de Bioloxía e Xeoloxía.

PREMIOS INNOVACIÓN EN DINAMIZACIÓN LINGÜÍSTICA

O proxecto "Formulando a dinamización en rede", presentado polo noso IES xunto cos CEIP Amaro Refojo e Princesa de España, foi seleccionado como excelente na convocataria de proxectos de innovación en dinamización lingüísitica. Moitas grazas a todos os que colaborastes na súa realización.
http://www.edu.xunta.es/web/node/12638

CIENCIA QUE CONTA PUBLICA OS MELLORES RELATOS

Os mellores relatos de ciencia que conta foron publicados nun libro: http://www.cienciaqueconta.com/wp-content/uploads/2014/05/CienciaQueConta2013.pdf
Entre eles están os dos noso alumnado. Ademais do relato gañador  de Lucía,  tamén aparecen os dos finalistas (a partir da páxina 63: "Os mellores relatos de bacharelato"): Andrea Barreal, Marta Canado, Alejandra Franco e Gonzalo Lope-Garnica.

CURTA VIAXE CARA OURENSE

RECOLLIDA PREMIO MINERVA

Fotos da recollida do premio Minerva pola alumna de 1º de Bacharelato Ana María Añel

SOLO E RECURSOS MINERAIS

A semana pasada, tres alumnos de 1º de Bacharelato B realizaron unha exposición sobre o solo: Ana Justo, Ismael Lamas e Ana Vázquez. Para representar o perfil do solo, utilizaron unha torta.Así describiron a experiencia:

"Para realizar unha pequena parte da nosa exposición de ciencias do mundo contemporáneo sobre o solo decidimos apoiarnos sobre un pequeno experimento: unha torta.
A nosa idea inicial era con rochas, varios tipos de terra e herba realizar unha maqueta máis real dos horizontes que conforman o solo, pero tras varios intentos o resultado non nos convenceu e decidimos cambiar a idea. A Ismael ocorréuselle que podíamos realizar unha torta de forma que se distinguisen varias capas nesta.
Para comezar mercamos todos os ingredientes. Para realizar os horizontes C e D, conformados por rochas, usamos galletas María mergulladas en leite como base da torta. Para realizar o horizonte B, dunha cor marrón clara compramos un biscoito e dividímolo en tres partes para meterlle nata por dentro, para que o sabor fose máis doce. Para o horizonte A, de cor marrón escuro, compramos biscoito de chocolate, e tamén o dividimos en tres partes salvo que nesta ocasión untámoslle crema de cacao. E por último para representar o horizonte O bañamos a torta en xarope de chocolate e puxémoslle flores de adorno e algúns debuxos.
O resultado do experimento a parte de delicioso foi magnífico! "